CIRCLE MRT LINE
မေလ ၂၇ ရက်နေ့ မနက်မှာ စင်ကာပူ နိုင်ငံရဲ့ မြေအောက် ရထားလမ်းသစ် ကို စင်ကာပူ ဒုဝန်ကြီးချုပ် နဲ့ ကာကွယ်ရေးဝန်ကြီး တာဝန်ယူတားတဲ့ Teo Chee Hean က ဖွင့်လှစ်ပေးလိုက်ပါပြီ။ လိမ္မော်ရောင် နဲ့ သတ်မှတ်ထားတဲ့ အဲ့ဒီ SMRT ရထားလိုင်းကို ဆိုက်ကယ်လိုင်း (စီစီအယ်လ်) လို့  ခေါ်ပြီး စင်ကာပူ နိုင်ငံရဲ့ စတုတ္ထမြောက် ရထားလိုင်းဖြစ်ပါတယ်။ အခုဖွင့်လှစ်လိုက်တာဟာ ရထားလိုင်းတခုလုံး ရဲ့ ပထမအဆင့် လမ်းပိုင်းပါပဲ။ အများပြည်သူကို မေလ ၂၈ရက် ကြာသာပတေးနေ့ မှစတင်ပြီး ၀န်ဆောင်မှုပေးကာ ပြေးဆွဲပေးမှာ ဖြစ်ပါတယ်။

လိမ္မော်ရောင် ဆိုက်ကယ်လိုင်း ဟာ တလိုင်းလုံး မြေအောက်မှာပဲ ရှိတဲ့ ရထားလိုင်း ဖြစ်ပြီး ဘူတာပေါင်း ၂၉ ဘူတာနဲ့ အရှည် ၃၃.၃ ကီလိုမီတာ ရှည်လျှားမှာ ဖြစ်ပါတယ်။ ဒိုဘီဂေါက်ဘူတာ ကနေ စတင်ကာ ဟားဘားဖရန့် ဘူတာမှာ အဆုံးသတ်မှာ ဖြစ်ပါတယ်။ ဒါပေမယ့် ယခု ဖွင့်လှစ်လိုက်တဲ့ ပထမလမ်းပိုင်း မှာတော့ ၅ကီလိုမီတာ အရှည်နဲ့ ဘူတာ ၅ ဘူတာပဲ ၀န်ဆောင်မှု ပေးနိုင်ဦးမှာ ဖြစ်ပါတယ်။ ဆိုက်ကယ်လိုင်းကို လမ်းပိုင်း ၅ ပိုင်းခွဲခြား တည်ဆောက်နေတာဖြစ်ပါတယ်။

မနက်ဖြန်ခါ မေလ ၂၈ မှာ အများပြည်သူတွေ အတွက် စတင်ဖွင့်လှစ်မယ့် လမ်းပိုင်းဟာ အနီလိုင်းအနီး မှာ ရှိတဲ့ မေရီမောင့် ဘူတာကနေ စပြီး ဘိရှန်း၊ လိုရောင်ချွန်၊ ဆရီရန်ဂွန်း နဲ့ ဘာတလီ ဘူတာမှာ ဂိတ်ဆုံးမှာ ဖြစ်ပါတယ်။ လာမယ့် စက်တင်ဘာလမှာ အကုန်လုံးနီးပါး ပြီးစီးမယ် လို့ မျှော်လင့်ကြောင်း LTA က ထုတ်ပြန်သွားပါတယ်။

အခုဖွင့်လှစ်တဲ့ ပထမအဆင့် လမ်းပိုင်းမှာ တရက်ကို ခရီးသည် ငါးသောင်းခွဲလောက် စီးနင်းကြမယ်လို့  မျှော်လင့်ထားကြောင်းနဲ့ တလိုင်းလုံး ပြီးစီးပါက တရက်ကို ခရီးသည် ငါးသိန်းခန့် စီးနင်းနိုင်မယ် လို့ မျှော်လင့်ထားကြောင်းကိုလည်း SMRT က သတင်းထုတ်ပြန်ထားပါတယ်။

အခုလက်ရှိ ခရမ်းရောင် လိုင်းနဲ့ ဈေးနှုန်းအတူတူ ယူထားတဲ့ လိမ္မော်ရောင် ဆိုက်ကယ်လိုင်းမှာ လည်း ခရမ်းရောင် လိုင်းက ရထားလိုမျိုး တွေကိုပဲ သုံးထားပါတယ်။ တခုထူးခြားတာက ရထားတစီးကို တွဲ သုံးတွဲပဲ ပါမှာ ဖြစ်ပါတယ်။ ရထားတစီးလုံး ခရီးသည် ၉၃၁ဦး စီးနင်းလိုက်ပါနိုင်မှာ ဖြစ်ပြီး ထိုင်ခုံ ၁၄၈ ခုံ ပါရှိမှာ ဖြစ်ပါတယ်။ အဲ့ဒီ ရထားတွဲတွေကို ပြင်သစ်နိုင်ငံက Alstom Metropolis က တည်ဆောက်ပေးထားတဲ့ Alstom Metropolis C830 မော်ဒယ် ရထားတွေ ဖြစ်ပြီး တနာရီကို အမြန်ဆုံး ကီလို ၉၀ မောင်းနှင်နိုင်မှာဖြစ်ပါတယ်။

အဲ့ဒီ ရထားတွေကို ရပ်နားထိန်းသိမ်းဖို့ ရာအတွက် ကမ်ဘာ့အကြီးဆုံး မြေအောက် ရထားရပ်နား ပြုပြင် ထိန်းသိမ်းရေး စခန်း Kim Chuan Depot ကိုလည်း မတ်လ ၄ ရက်နေ့ကမှ တရားဝင် ဖွင့်လှစ်ထားတာဖြစ်ပါတယ်။ အဲ့ဒီ Kim Chuan Depot ကို စင်ကာပူဒေါ်လာ ၂၉၇ သန်း အကုန်အကျခံ တည်ဆောက်ထားတာဖြစ်ပြီး စံညွှန်းပြည့် လုံခြုံရေး စံနစ်တွေ တပ်ဆင်ထားတယ်လို့  သိရပါတယ်။

ဒုတိယ အဆင့်အနေနဲ့ နောက်ထပ် ၆ ဘူတာ မကြာခင်မှာ ဖွင့်ဦးမယ်လို့  သိရပြီး အဆိုပါဘူတာများကတော့ (Dhoby Ghaut, Bras Basah, Esplanade, Promenade, Stadium and Tai Seng) ဘူတာများဖြစ်မယ်လို့  နီးစပ်သူတွေက ခန့်မှန်းထားကြပါတယ်။ လိမ္မော်ရောင် ဆိုက်ကယ်လိုင်း တလိုင်းလုံး ပြီးစီးသွားတဲ့အခါ ကမ်ဘာ့ အရှည်ဆုံးမောင်းသူမဲ့ အလိုအလျှောက်ထိန်းကျောင်း သွားတဲ့ ရထားလိုင်း အဖြစ် မှတ်တမ်း ၀င်မှာဖြစ်ပါတယ်။

တကယ်လို့ ၂၀၀၄ ခုနှစ် ဧပြီလက နီးကိုလ်းဟိုင်းဝေး သာ မပြိုကျခဲ့ရင် အခုထက် စောပြီး ၂၀၀၆ ခုနှစ်မှာ ပထမ အဆင့် ကို အသုံးပြု ၀န်ဆောင်မှု ပေးနိုင်မှာပါ။ ဒါပေမယ့် မူလ စီမံကိန်းအတိုင်း လာမယ့် နှစ်မှာ လိမ္မော်ရောင် စီစီအယ် တလိုင်းလုံးကို အပြီးသတ် ဖွင့်လှစ်မှာ ဖြစ်ပါကြောင်း။

ညီမူရာ ...

အချက်အလက်များကို
ဝီကီ
အယ်တီအေ
အက်စ်အမ်အာတီ
SMRT မြေပုံအသစ်
ရထားတွဲများ
ကင်ချွမ်ဒီပို့ 
photos from: wiki and smrt