အိမ်ပြောင်းကြမယ်

အိမ်ပြောင်းရတာလည်း တော်တော် ခက်ခဲတဲ့ အလုပ်တခုပါ။ ပစ်စည်းတွေ သိပ်မရှိလို့ က ခံသာပေမယ့် များလို့ ကတော့ သိမ်းဆည်း ထုပ်ပိုးရတာတင် တော်တော့ကို အလုပ်များပါတယ်။ နောက်တခုကတော့ ဘယ်လိုနည်း နဲ့ ပြောင်းမလဲပေါ့။ တကယ်က စင်ကာပူလို နိုင်ငံမျိုးမှာ အိမ်ပြောင်းရတာ တော်တော်လေး အဆင်ပြေပါတယ် အိမ်ပြောင်းပေးတဲ့ မူဗာ (Movers) တွေ ခေါ်လိုက်ရုံပါပဲ။ မူဗာမှာ ၂ မျိုးကွဲသွားပါတယ်။ ပုံမှန် အိမ်ပြောင်းတဲ့ သူကို မူဗာ (Mover) လို့ ပဲ ခေါ်ကြပြီး သေချာကောင်းကောင်း ဈေးကြီးကြီးနဲ့ ပြောင်းပေးတဲ့ အဖွဲ့တွေကို ကျတော့ ပရော်ဖက်ရှင်နယ် မူဗာ (Professional Movers) လို့ ခေါ်ကြပါတယ်။

ပုံမှန် မူဗာ တွေကတော့ သယ်ပေးမယ့် လူ မခေါ်ဘဲကိုယ်တိုင် သယ်မယ်ဆို ကားခချည်းဘဲ
စလုံး တကျွန်းလုံး ဘယ်နေရာ ပြောင်းပြောင်း နီးနီး ဝေးဝေး ၄၀ ကနေ ၈၀ လောက်အထိ ရှိပါတယ် ။ ဒိုင်နာ ၁၀ ပေ ကားလေးတွေပါ။ ဈေးပေါတဲ့ ကားတွေက အမိုးဖွင့်လေးတွေ များပြီး ကွန်တိန်နာခန်းလို ပါရင် ဈေးကြီးသွားပါတယ်။ မန်းပါဝါ (Men Power) လို့  သူတို့ ခေါ်တဲ့ ကူသယ်ပေးတဲ့ လူ တယောက်ကို တနာရီ ၁၅ ဒေါ်လာ လောက်ပေးရပါတယ်။ ပုံမှန် အားဖြင့် ကူသယ်ခ က ၃၀ ကနေ ၁၀၀ လောက်အထိ ပုတ်ပြတ် ကျတတ်ပါတယ်။

ဆိုတော့ တခေါက်ကို ကူသယ်ပေးတဲ့ လူတွေ ခေါ်ရင် အပြီးအစီး ၇၀ ကနေ ၁၅၀ လောက်အထိ ကျပါတယ်။ ကိုယ်က သိပ်သန်မာပြီး လူအုပ်တောင့်ရင်တော့ ကားချည်းပဲငှား အနည်းဆုံး ၄၀ ကနေ အများဆုံး ၈၀ ပေါ့။

အဲ့လို ဈေးသက်သက်သာသာ နဲ့  ပြောင်းပေးတဲ့ စာရေးသူတို့ လက်စွဲ မူဗာကတော့

အန်ဒီ လို့ ခေါ်တဲ့ တရုတ်ကြီးပါ အင်္ဂလိပ်လို ကောင်းကောင်းမရပါဘူး ဒါပေမယ့် သဘောကောင်းပါတယ်
Andy အန်ဒီ - ဖုံး - ၉၀၆၀၆၁၂၆
(ပိတ်ရက်များ ဆို ဘွတ်ကင်တွေ ပြည့်နေလို့  တပါတ် ၁၀ ရက်လောက် ကြိုမှာထားရပါတယ်)
နောက်တယောက်က အက်မန် ပါ (မလေးလူမျိုးပါ) အန်ဒီ ဆရာသမားလို့ ပြောကြတယ် သူလည်း ကောင်းပါတယ်
Edmund အက်မန် ဖုံး - ၈၁၄၄၈၂၆၆ ပါ။
သူတို့ နဲ့ပြောင်းတိုင်း စိတ်ချမ်းသာရလွန်းလို့  မိတ်ဆွေ သူငယ်ချင်းနဲ့ ကိုယ်တိုင် ၁၀ ခါထက်မနည်း အိမ်ပြောင်း ဖူးပါတယ်။

ဒီနောက်ဆုံးတခေါက် ကြားရက်ကြီး ပြောင်းရမှာရယ် ပစ်စည်းများတာရယ်ကြောင့် ပရော်ဖက်ရှင်နယ် မူဗာခေါ်လိုက်တယ်။ သူတို့  ပရော်ဖက်ရှင်နယ် မူဗာက တဘာသာ ကိုး။
မပြောင်းခင် အနည်းဆုံး ၂ ပါတ်ကြိုပြီး စီစဉ်ရပါတယ်။ ကပ်မှဆိုရင် ဈေးတွေ ပိုကြီးပါတယ်။ ဖုံးဆက်လိုက်တာနဲ့ သူတို့ ရုံးက တယောက် လာကြည့်တယ်။ ပရိဘောဂ ဘယ်လောက်များမလဲ ဘယ်လောက်ခက်ခဲမလဲ ဘယ်လောက်အလုပ်ရှုပ်မလဲ ဘယ်လောက် ပင်ပန်းကြမလဲပေါ့။ ပြီးတော့ ဈေးပြောပါတယ်။ ၂+၁ တိုက်ခန်း ပရိဘောဂအစုံအလင်ကို ၃၀၀ ကနေ ၄၅၀ တွင်းရှိပါတယ်။ ဈေးညှိလို့ ရပါတယ်။စာရေးသူတို့  ဈေးညှိကြတော့ နောက်ဆုံး ၃၅၀ နဲ့ ဈေးတည့်သွားပါတယ်။ ဘွတ်ကင် ဖြတ်ရင် လျှော်ကြေး ၁၀၀ လာမသိဘူး ပေးပါ့မယ်ဆိုပြီး ဘောက်ချာထဲမှာ ရေးထားသေးတယ်။ ပိုင်ပါ့ကွယ်။

အဲ့ဒီ ဈေးလာဖြတ်တဲ့ သူက အိမ်က ပစ်စည်းအနေအထားကို ကြည့်ပြီး သူ့ သဘာ နဲ့ သူ တွက်ချက်ပြီး စက်ကူ ကဒ်ထူပုံးတွေ ရေးသွားပါတယ်။ မပြောင်းခင် ၂ ပါတ်အလိုမှာ အိမ်ကို ကဒ်ထူပုံး တွေ လာချပါတယ်။ တိတ်တွေနဲ့ စတစ်ကာလေးတွေ နဲ့ပေါ့ဗျာ။ ဈေးက ပေးထားရတာကိုး သေချာလုပ်တာပေါ့။ မပြောင်းခင်အထိ စိတ်ကြိုက် ထည့်စမ်းပဲ။ မလောက်ရင် ဖုံးထပ်ဆက်လိုက် အပိုကြေးနဲ့ ပုံးအပိုတွေ လာပေးလိမ့်မယ်။ ပရိဘောဂ တွေ ကို ဘာမှ မလုပ်နဲ့ သူတို့ ဖြုတ်ပေးမယ်တဲ့။

ပြောင်းမယ့်နေ့  ပြောထားတဲ့အချိန် ဆို ကားကြီးနဲ့ လူ ၆ ယောက်လောက်ပါလာတယ်ပေါ့ဗျာ။ မထိခိုက်အောင် သူတို့ ဖာသာ သူရို့  ပလစ်စတစ်တွေ နဲ့ပတ် အ၀တ်တွေ နဲ့ ခံပေါ့။ ဘီရိုတွေ ပရိဘောဂတွေ ဖြုတ်တဲ့သူက ဖြုတ်။ သယ်တဲ့ သူတွေက သယ်ပေါ့။ တအိမ်လုံးကို သယ်ပြီး ကားပေါ်တင်သွားတာ မိနစ် ၂၀ သာသာပဲ။

အိမ်အသစ်ရောက်တာနဲ့ အဲ့လို ပဲ သယ်ပေါ့။ပရိဘောဂတွေ ဆင်ကြပေါ့။ ပုံးတွေကတော့ ထားခဲ့တယ်။ နောက် ၂ ပါတ်လောက်မှ လာယူတယ်ပေါ့ဗျာ။ လာမယူခင် ဖုံးဆက်သေးတယ် ဘယ်နေ့ လာယူပါ့မယ်ဆိုတာမျိုးပေါ့။

စာရေးသူတို့ ပြောင်းလိုက်တဲ့ မူဗာက အီလစ် Elite Movers တဲ့ စလုံးတွေ တော်တော်များများလည်း ကြိုက်ကြတယ်ပြောတယ်။ တော်တော်လည်းပဲ စိတ်ချမ်းသာရပါတယ်။ ပေးထားရတာလည်း နင့် နေတာကိုး။
ဘာတခုမှ ၀ိုင်းမသယ်လိုက်ရတာမို့  လည်း ကျေနပ်တာဖြစ်နိုင်ပါတယ်။ အ၀တ်လျှော်စက်တွေ ရေခဲသေတ္တာ တွေလည်း နေရာချပြီး ဆင်ပေးပါသေးတယ်။

ဒီပို့ ကတော့ အိမ်ပြောင်းဖို့ ပြင်ဆင်နေပြီး ဘယ်မူဗာ နဲ့ ပြောင်းရမှန်းမသိ သူတွေ အသုံးဝင်ဖို့  ရေးပေးလိုက်ပါတယ်။

ညီမူရာ