Tuesday, March 31, 2009
ရှေးဟောင်း နှောင်းဖြစ်တွေ ပြောကြတော့ သက်ထားက သူမရောက်ဖူးတဲ့ ဖီဂျီ အကြောင်း မေးလာပါတယ်။ ဒါနဲ့ ပဲ ဟိုးတုန်းက ဖီဂျီ တခေါက် အလည်ရောက် တဲ့ အကြောင်းတွေ ကို ပြန်ပြီး စဉ်းစားရာက ပို့ စ်တွေ တင်ဖြစ်ပါတယ်။
လွန်ခဲ့တဲ့ လေးနှစ် က မရည်ရွယ်ပဲ ဖီဂျီကျွန်းကို အလည်အပတ် သွားဖြစ်ခဲ့ ပါတယ်။ ရောက်ချင်တော့ လည်း ကြံဖန်ရောက်သွားတာပါပဲ။ အဲ့ဒီ မတိုင်ခင်က ဖီဂျီ ဆိုတာ ကြားဖူးသလိုလို မကြားဖူးသလိုလို နဲ့ ဝေေ၀ ၀ါးဝါးပါ။ ခွင့်ရက်ရှည် ခရီးတို တခုကို အချိန်တိုအတွင်း စီစဉ် ပေးခဲ့တာပါ။
ပထမ စီစဉ် ပေးတုန်းက တော့ ကီဝီ တို့ မြေ ၀ယ်လင်တန် ပါ။ မရောက်ချင်တော့ လည်း ကီဝီ သံရုံးက ရစ်ပါတယ်။ မြန်မာနိုင်ငံ သားတွေ အတွက် ၂ ပါတ်လောက် ကြာနိုင်ပါသတဲ့။ ဒါနဲ့ ပဲ အလုပ်ပါးပြီး အဆင်အပြေဆုံး ပိတ်ရက်မှီအောင် ရုံးက စီစဉ်ပေးတာကတော့ ဖီဂျီ ကျွန်းပါတဲ့။ စီစဉ်ပေးတဲ့ Finance Manager ဘိုးတော်က ပြောတယ် ငါတောင် တခါမှ မရောက်ဘူး တဲ့ အပြင် မင်းတို့ က အလကား သွားရတာ သိပ် ကံကောင်းတယ်ဆိုပဲ။ သွားမယ့် သွား မြို့ တော်ဖြစ်တဲ့ ဆူဗ ကို သွားတဲ့ ဘာပဲဖြစ်ဖြစ် လုံခြုံတာပေါ့တဲ့။
ဒါနဲ့ပဲ ကိုယ်ဖာသာ ကိုယ် ဗီဇာ ၀င်ဖို့ တွေ လုပ်ရတယ်။ မှတ်မှတ် ရရ ဖီဂျီ ကော်စစ်ဝန်ရုံး ရှိတဲ့ အဆောက်အဦ က ဓါတ်လှေကားမှာ ဓါတ်လှေကား သွားနှုန်း ပြတဲ့ မီတာကြီး တပ်ထားတာပါပဲ။ အဲ့ဒီ တခါပဲ မြင်ဖူးတာပါ။ အဲ့ဒီ ဓါတ်လှေကားက တစက်ကန့် ကို ဘယ်လောက် အမြန်နှုန်း နဲ့ တက်ဆင်းနေ သလဲ ပြတာပါ။ မော်တော်ကား မြန်နှုန်းပြ ဒိုင်ခွက်လိုပါပဲ။
အင်တာနက်က ကြည့်တော့ ဓါတ်ပုံတွေက လှပြီး အမိုက်စားဆိုတော့ ရောက်ဖူးချင်တော့လည်း တို့ ကိုမှ ဗီဇာချပေးပါ့မလား စိုးရိမ်ခဲ့ရသေးတာ။ ကောင်စစ်ဝန်ရုံး ကလည်း တိတ်ဆတ်ပြီး ဗီဇာလျှောက်တဲ့ သူ တယောက်မှ မရှိပါဘူး။ ဗီဇာကြေး ကလည်း ဖီဂျီ ဒေါ်လာ ၉၂ တဲ့ တော်တော် ကြေးကြီးတယ် ပြောရမယ်။ ဒါနဲ့ ပဲ ၂ ခေါက်လောက် သွားပြီးတဲံ အခါ ဖီဂျီ ဗီဖာ တံဆိပ်တုံး တခု ရလာပါတော့တယ်။
ဒီလိုနဲ့ ပဲ ရုံးက စီစဉ်ပေးတဲ့ အဲပစိဖိတ် ကို ၅ နာရီလောက် စီးပြီး အလုပ်က ကဗျာဆရာ နဲ့ ၂ ယောက် စိုင်ကော်လို့  ခြုံပေါ်ပဲ ရောက်တယ် ပြောရမလား finance မန်နေဂျာ အရောက်ပို့ တဲ့ ဖီဂျီ မြေကို ရောက်ပါတော့တယ်။
ညီမူရာ
| Share |
Monday, December 22, 2008
အမှတ်တရ ဒီဇင်ဘာ
ထိုနေ့ က မုန်တိုင်းသာ မရှိလျှင် အဲ့ဒီ ဒီဇင်ဘာကို မေ့နေမှာ အမှန်ပင်။ အခုတော့ သုံးနှစ်တာ ကြာမြင့်ခဲ့သော်လည်း အမှတ်ရနေဆဲဖြစ်သည်။ ကမ္ဘာ့တောင်ဘက်ခြမ်း နိုင်ငံတို့ ၏ ထုံးစံ အတိုင်း ဆစ်ဒနီ ဒီဇင်ဘာက ပူပြင်းလွန်းနေသည်။ တရံတခါ အပူလွန်ပြီး မုန်တိုင်းတွေ ၀င်လာတတ်သည်။ ထိုနှစ်က မှတ်မှတ်ရရ သားပိုက်ကောင်တို့  ဌာနေကို မုန်တိုင်း အ၀င်ကြမ်းသည်။
၂၀၀၅ ခုနှစ် အခုလို ဒီဇင်ဘာမှာ ရုံးတာဝန်နဲ့ ဆစ်ဒနီမှာ ခေတ္တ ရောက်နေချိန်ပေါ့၊၊ အလုပ်တွေပြီးလို့  ပြန်ရတော့မှာ ဖြစ်လို့ ရုံးက စာရေးမကြီးက တိုင်စီကို တရက် ကြိုတင်ဘွတ်ကင် လုပ်ပေးထားတယ်။ သူတိုင်စီဘွတ်ကင် လုပ်ပေးတိုင်း တိကျတာမို့ စိတ်ချ လက်ချပင်။ ထို့ နေ့က နေ့လည်ခင်းတွင် နေအလွန်သာပြီး ရာသီဥတု ကောင်းနေသဖြင့် မိုးလေ၀သကို မကြည့်လိုက်မိ။ ဒီလိုနဲ့ပဲ တိုင်စီမှာထားသည့် အချိန်ကို ၅ မိနစ် လောက်ကျော်တော့ တိုင်စီကမလာ။ ၁၅ မိနစ်ခန့် လွန်သော် သေချာသွားပြီ ဘာကြောင့် ကားမလာသလဲ အဲ့ဒီအချိန်အထိ တိတိကျကျ မသိသေး။ တိုင်စီကုမ္ပဏီ တွေဆီ ဖုံးလှမ်းဆက်တော့ ဖုံးတွေက မအားကြတော့။
ခေတ္တနေသည့် နေရာမှ ကင်းဖိုဒ့်စမစ် လေဆိပ်သည် ကီလို ၃၀ စွန်းစွန်းဝေးသည်။ တောင် နှင့် မြောက် လားလားမှ မနီး။ တိုင်စီ ဆိုတာက လက်တားပြီး စီးလို့ လွယ်သည့်  နိုင်ငံမဟုတ်၊ တိုင်စီဂိတ်ကို သွားရတော့မည်။ ဒီလို အထုတ် အပိုးတွေ နှင့် တိုင်စီဂိတ် ကိုသွားဖို့ က လွယ်သည့် ကိစ္စတော့မဟုတ်။ အနီးဆုံး တိုင်စီစတန်းက ပုံမှန် လမ်းလျှောက်တောင် ၁၅ မိနစ်ကြာသည်။
အထုတ်တွေ ဆွဲပြီး ခက်ခက်ခဲခဲ သွားနေစဉ်ပင် မိုးက စရွာလာသည်။ တိုင်စီစတန်းကို ရောက်ဖို့  ၂၅ မိနစ်ခန့်ကြာသည်။ ထိုနေရာရောက်တော့ မိုးက နည်းနည်း နည်းနည်းရွာနေပြီ။ တိုင်စီစတန်းမှာ လူတွေက အများကြီး ကားကမရှိ။ ထိုနေရာရောက်မှ သိရသည်က မုန်တိုင်းအထူးသတင်း ကြေညာသွားသည်။ မိုးသီးတွေပင် ရွာနိုင်သည်တဲ့။ ဒါကြောင့် ကားတွေ ပျောက်ကုန်တာကိုး။ ဒါပါနှင့်ဆို ဒုတိယအကြိမ်မြောက် မိုးသီးမုန်တိုင်း သတိပေးခြင်း နှင့်ကြုံရခြင်းပင်။ တခါမှ တော့ မိုးသီးမရွာလိုက်။
မိုးသီးတွေရွာလျှင် ကားအာမခံ တော်တော်များများက အကာအကွယ်မပေးတတ်ကြ။ ဒီလိုနဲ့ လမ်းပေါ်မှာ ကားတွေ တိုင်စီတွေ ပျောက်ကုန်တာမဆန်း။ တိုင်စီစတန်းမှာ ကိုယ့်အလှည့်ရောက်ဖို့ တော်တော် စောင့်ရသည်။ လေယာဉ်ထွက်ဖို့ အချိန်ကလည်း ၁နာရီခွဲသာသာပဲကျန်တော့သည်။ ပုံမှန် ရာသီဥတု သာသာယာယာမှာ တိုင်စီနဲ့သွားတောင် ၄၅ မိနစ်ခန့်ကြာသည့်ခရီး။ ဒီမိုး ဒီလေ နှင့် ၁ နာရီကျော်လောက်တော့ သွားမှာပဲ။ မိုးကလည်း မုန်တိုင်းအရှိန်နှင့် သည်းသည်း မည်းမည်းကို ရွာချလာပြီ။ နေ့လည်က ချစ်ချစ်တောက် ပူသည့်နေ ယုံချင်စရာမရှိ။
ဒီလိုနှင့် မိနစ်၂၀လောက် သည်းခံစောင့်ရပြီးမှ ကိုယ့်အလှည့်ရောက်သည်။ တိုင်စီတစီးလာ တိုင်စီကို လေဆိပ်ပြောလိုက်သည်နှင့် မလိုက်ပါတဲ့။ ဒါနဲ့ နောက်ကလူတွေကို ပေးတက်လိုက်ရသည်။ နောက် တစီး ဒီလိုပဲ မလိုက်ပါတဲ့။ မိုးတွေ သည်းသည်းမည်းမည်း ရွာနေချိန် ကားဆီသွားလိုက် မလိုက်ဘူးပြောလို့  အမိုးအောက် ပြန်လာလိုက်နဲ့ ရွဲစိုကုန်တော့တယ်။ အထုတ်အပိုးတွေ လည်း ရွဲ လူလည်းရွဲပေါ့။ သုံးစီးလောက် အဆင်မပြေတော့ တော်တော် စိတ်ပျက်စပြုနေပြီ။
အဲ့ဒီမှာ တန်းစီနေတဲ့ အနောက်က ကပ်လျှက် ဌာနေ အဖြူတယောက် က မေးလာတယ်။ တိုင်စီကလည်း မလာသေးတော့ ခဏ စကားပြောဖြစ်သွားတာပေါ့။ တိုင်စီဘွတ်ကင်မှာထားတာ မလာလို့  ဒီအထိတောင် လာငှားရတာ နဲ့ လေဆိပ်ဆင်းမှာ ဖြစ်ကြောင်း ပြောတော့။ သူက ပြန်မေးသည် လေယာဉ်အချိန် ဘယ်တော့လည်းတဲ့။ စာရေးသူ အချိန် ပြောပြလိုက်တော့ သူ့ နာရီကို တချက်လှမ်းကြည့်ပြီး၊ ဟား ၁ နာရီ ၁၅ မိနစ်ပဲလိုတော့တယ်၊ အရှေ့ က တိုင်စီတွေ ဘာဖြစ်လို့ မလိုက်တာလည်း လို့ သူက ဆက်မေးပါသေးတယ်။ မသိဘူး လေဆိပ်လို့  ပြောလိုက်တာနဲ့ မလိုက်ကြဘူး ဆိုတော့။ သူတချက်စဉ်းစားရင်း နောက်တစီးလာရင် မင်းရမှဖြစ်မယ် မဟုတ်ရင် လေယာဉ်လွတ်သွားလိမ့်မယ်။ သူလည်း ၀ိုင်းကူပြောပေးမယ် ဆိုပြီး ပြောရှာတယ်။
ဒါနဲ့ နောက်တိုင်စီ တစီးလာတော့ သူကပဲ စာရေးသူကိုယ်စား ကားသမားကို ရှင်းပြတယ်။ ရှေ့ က တိုင်စီတွေ ဒီလိုမိုးသည်းသည်း နဲ့ လေဆိပ်မလိုက်ချင်လို့  လေယာဉ်လွတ်တော့မယ့် အကြောင်း နဲ့ အချိန်ကလည်း နီးနေလို့  အဆင်ပြေပါက ကူညီပေးပါ ဆိုတဲ့ အကြောင်းကို စာရေးသူ ကိုယ်စား ပြောပေးပါတယ်။ အဲ့ဒီ တိုင်စီသမား ကလည်း အသက်နည်းနည်းကြီး တဲ့ အဖြူပါ၊ ဒီတခါတော့ အဆင်ပြေသွားပါတယ်။ အဲ့ဒီ ကူညီပေးတဲ့ သူကပဲ ကားပေါ်ကို အထုတ်တွေ ၀ိုင်းတင်ပေးရှာတယ်။ ကျေးဇူးတင်လွန်းလို့  နှုတ်ဆက် ကျေးဇူးစကားဆိုရင်း လက်ဆွဲ နှုတ်ဆက်ကြတော့ သူက လမ်းခရီးမှာ အဆင်ပြေပါစေတဲ့။
တိုင်စီ သမားကြီးကတောင် မေးပါသေးတယ်။ သူငယ်ချင်းလားတဲ့၊ မဟုတ်ဘူး တိုင်စီငှားတာ အခက်အခဲဖြစ်လို့  နောက်ကနေ တန်းစီနေတဲ့ သူတယောက်ပါ၊ သူတတ်နိုင်သလောက် ကူညီပေးတာပါ ဆိုတော့ ဘိုးတော်က ဘာမှ ပြန်မပြောတော့ပါဘူး။ လေယာဉ်အချိန် နီးနေလို့  ဘိုးတော်ကြီး ခမျာ ညနေစောင်း ခပ်မှောင်မှောင် မိုးထဲရေထဲမှာ တတ်နိုင်သလောက် အမြန်ဆုံး မောင်းပေးရှာပါတယ်။ ဒါတောင် ကင်းဖိုဒ့်စမစ် ရောက်အောင် ၅၅ မိနစ်လောက် မောင်းရပါတယ်။ လေဆိပ်မှာ ချက်အင် ၀င်တော့ လေယာဉ်ထွက်ဖို့  ၃၅ မိနစ်ပဲ လိုပါတော့တယ်။ ကံကောင်းတယ် ပြောရမလား အဲ့ဒီနေ့ က မုန်တိုင်း အခြေအနေကြောင့် လေယာဉ်တွေ ၁ နာရီ ခွဲလောက် နောက်ကျ ထွက်လို့ သာပေါ့။
တကယ်တော့ တိုင်စီကူငှားပေးတဲ့ အဲ့ဒီသူ ဘယ်သူလည်း စာရေးသူ မသိပါဘူး။ သူလည်းပဲ စာရေးသူ ဘယ်သူမှန်း မသိပါဘူး။ ဒါပေမယ့် အခက်အခဲ ဖြစ်နေတုန်း တတ်နိုင်သလောက် ကူညီပေးရှာတဲ့ ဟွန်စဘီ ရှိုင်းယား နယ်သား တယောက်ရဲ့ စေတနာ ကို သုံးနှစ်လောက် ကြာသည့်တိုင် အမှတ်ရနေပါသေးတယ်။
ဒီဇင်ဘာမုန်တိုင်း မိုးတွေ လေတွေကြားက ကူညီတတ်သူ တဦးရဲ့  စေတနာကို လေးစား အမှတ်ရ ရင်း နဲ့။
ညီမူရာ
| Share |
Thursday, December 18, 2008
လွမ်းမိတဲ့ ဒွန်မောင်း
စာရေးသူ နဲ့ အရင်းနှီးဆုံး ပြည်ပနိုင်ငံတွေက လေဆိပ်တွေထဲမှာ ဒွန်မောင်း လေဆိပ် Don Mueang / ท่าอากาศยานดอนเมือง / Don Muang က ထိပ်ဆုံးပါပဲ။ တကယ်တော့ ထိုင်းနိုင်ငံရဲ့  အကြီးဆုံးလေဆိပ်။ ကမ်ဘာ့အကြီးဆုံး လေဆိပ်စာရင်းတွေထဲမှာ ၁၈ ခုမြောက်။ အာရှမှာ နံပါတ် ၂ အဖြစ်ကာလ ကြာရှည်စွာ ရပ်တည်ခဲ့တဲ့ ဒွန်မောင်းလေဆိပ်ကို မြန်မာနိုင်ငံသား တော်တော်များများလည်း ရင်းနှီးကြမှာပါ။ ဒွန်မောင်းလို့  စာရေးသူတို့  အားပါးတရ ခေါ်နေကြတဲ့ နာမည်ဟာ ပြောရရင်တော့ အမှားကြီးပါ။ သူရို့ ထိုင်းအသံနဲ့ ဆို စာရေးသူ ကြားသလောက် အနီးစပ်ဆုံး ဒေါန်းမွန် လို့ အသံထွက်ပါတယ်။
၁၉၁၄ ခုနှစ် မတ်လ ၂၇ နေ့ မှ စတင်ဖွင့်လှစ်ခဲ့တဲ့ ဒွန်မောင်း လေယာဉ်ကွင်းလေး ဟာ ၁၉၂၄ ခုနှစ်မှာ လေကြောင်းလိုင်းတွေ စတင်ဆင်းသက်ပြီး အသက်ဝင်ခဲ့ပါတယ်။ ပထမဆုံး ဆင်းသက်ခဲ့တဲ့ လေကြောင်းလိုင်းကတော့ ဒတ်ခ်ျ လေကြောင်းလိုင်းဖြစ်တယ်လို့  မှတ်တမ်းများက ဆိုပါတယ်။ တကယ်တော့ ဒွန်မောင်း မတိုင်ခင် ထိုင်းမှာ လေဆိပ်တခုရှိပါသေးတယ်။ ရာမ-၄ ဘုရင်လက်ထက်မှာ လေဆိပ်ကို မြေနိမ့်အရပ်မှာ ရှိလို့ ရေလွှမ်းမိုးမှု တွေ ကင်းလွှတ်အောင် ကုန်းမြင့်အရပ်လို့  အမည်ရှိတဲ့ တကယ်လည်းပဲ ကုန်းမြင့်တဲ့ ဒွန်မောင်း အရပ်ကို ပြောင်းရွှေ့ခဲ့တာပါ။
လေကြောင်းလိုင်းတွေ စပြေးဆွဲ ကတည်းကဆိုရင် ၈၅ နှစ် ဒါမှမဟုတ် စတင်ဖွင့်လှစ် ကတည်းကဆိုရင် ၉၂ နှစ် တာဝန် ထမ်းဆောင်ဆောင်ပေးခဲ့တဲ့ ဒွန်မောင်း အပြည်ပြည်ဆိုင်ရာ လေဆိပ်ကြီးကို ၂၀၀၆ ခုနှစ် စက်တင်ဘာလ ၂၈ ရက် မနက် ၃ နာရီ ၁၂ မိနစ်မှာ ဆစ်ဒနီ ကို ထွက်ခွာတဲ့ ကွမ်တက်စ် လေကြောင်းလိုင်း ရဲ့  ခရီးစဉ်အမှတ် ( QF၃၀၂) နဲ့ ခေတ်တခေတ် ကို အဆုံးသတ်စေခဲ့ပါတယ်။
၂၀၀၇ နှစ်ဦးမှာပဲ အာရှရဲ့ မျက်နှာသစ် လို့  သူရို့ တွေ ၀င့်ကြွားနေတဲ့ အသစ်ဖွင့်လှစ်လိုက်တဲ့ သုဝဏ္ဏဘူမိ လေဆိပ်ကြီး ရဲ့  ပြေးလမ်းအသစ်တွေ ကွဲအက်မှုတွေကြောင့် ဒွန်မောင်းကို ပြန်လည် ဖွင့်လှစ်ဖို့ အကြောင်း ဖန်လာပါတယ်။
နောက်ပြီး ဒွန်မောင်းကို ဒီတိုင်းထိမ်းသိမ်းထားဖို့  စားရိတ်တွေကလည်း မသေးတော့ ထိုင်း လေဆိပ် အာဏာပိုင်တွေ က ပြန်လည်ဖွင့်လှစ်ခွင့် ပြုလိုက်ပါတယ်။ ဒါနဲ့ပဲ ထိုင်းနိုင်ငံ ပြည်တွင်း လေယာဉ်တွေ ဆင်းသက်ဖို့  စီမံကြပါတယ်။
လေဆိပ်ကြီးပိတ်လို့  ၅ လအကြာ ၂၀၀၇ ခုနှစ် မတ်လ ၂၅ ရက်နေ့ မှာ ပြန်လည်အသက်ဝင်လာတာ ဒီကနေ့ အထိပါပဲ။ ထိုင်းနိုင်ငံ အလံတင် လေကြောင်းလိုင်းဖြစ်တဲ့ ထိုင်းအဲဝေး ၊ နော့အဲ နဲ့ ၀မ်းတူးဂိုး လေကြောင်း တို့  ပြေးဆွဲ နေတာဖြစ်ပါတယ်။ ထိုင်းနိုင်ငံ လေဆိပ်ကိုယ်စားပြု နိုင်ငံတကာ အမှတ်အသားမှာ ဒွန်မောင်းကို ဘီကေကေ လို့  နှစ်ပေါင်းများစွာ သတ်မှတ်ခဲ့တာ သင်္ခါရ သဘောတရားအရ ခုတော့ ဒီအမ်ကေ လို့ ပြောင်းလည်း သတ်မှတ်လိုက်ပါပြီ။
ပြေးလမ်း ၂ ခု ရှိပြီး ပြေးလမ်းအရှည် က (၁၂၁၃၉ ပေအရှည်။ ၁၉၇ပေအကျယ်) ရှိပြီး ပြေးလမ်းအတို က (၁၁၄၆၁ ပေအရှည်။ ၁၄၇ ပေအကျယ်) ရှိပါတယ်။ ၂၀၀၈ မေလမှာ အသစ်တိုးချဲ့ ဖွင့်လှစ်လိုက်တဲ့
ရန်ကုန် အပြည်ပြည်ဆိုင်ရာ လေဆိပ်က ပြေးလမ်းအရှည် (၁၁၂၀၀ ပေအရှည်။ ၂၀၀ ပေအကျယ်) နဲ့ နှိုင်းယှဉ်မယ်ဆို သိပ်မကွာတော့ဘူးလို့  ပြောရမှာပါပဲ။
ဒွန်မောင်းနဲ့ ပတ်သက်လို့  ကြားဖူးနားဝ ဟာသလေး တခုရှိပါတယ်။ အဲ့ဒီအချိန်က စာရေးသူတို့  မင်္ဂလာဒုံလေယာဉ် ကွင်းကလည်း အဆင့်မမြင့်သေးဘူးပေါ့။ ထိုင်းမှာ လေဆိပ်အသစ်ကြီးဖွင့်တော့မှာမို့  ဒွန်မောင်းကို ပိတ်တော့မယ်လို့  ကြေညာပြီးချိန် မြန်မာနိုင်ငံသားကြီး တဦးက အခုလို မချိတင်ကဲ ပြောပါသတဲ့။ မသုံးတော့မယ့်တူတူ ဒီလောက်ကောင်းတဲ့ လေဆိပ်ကြီး တို့ မြန်မာပြည် သယ်သွားလို့ ရရင်ကောင်းမယ်တဲ့။ ဒါသူ့ ရင်ထဲက စကားပါ။
ဟုတ်ပါတယ် မြန်မာတို့  အမြင်မှာလည်း ဒွန်မောင်းဟာ အဲ့သလောက်ကို ကောင်းနေပါတယ်။ လေဆိပ်အဆောက်အဦ ထဲမှာ ဟိုးဘက်ထိပ် ဒီဘက်ထိပ်ကို ပုံမှန်လျှောက်သွားမယ် ဆို ၄၅ မိနစ်ကနေ ၁နာရီ နီးနီး ကြာပါတယ်။ သုံးထပ်အဆောက်အဦ မှာ လေယာဉ်တွေ ဆိုက်ရောက်တဲ့ တာမင်နယ် သုံးခုတောင် ရှိပါတယ်။ အခုအသစ်ဖွင့်လိုက်တဲ့ သုဝဏ္ဏဘူမိ ကမှ ဆိုက်ရောက် တာမင်နယ် တခုပဲရှိတာပါ။
ဒွန်မောင်းမှာ လေယာဉ်ပြောင်းစီး ရမယ်ဆို အထာမသိရင် တော်တော် အဆင်မပြေပါဘူး။ မဟာမြိုင် ဆရာတော် ဦးဇောတိက တောင်မှ တခါက ဘယ်နေရာ သွားရမှန်းမသိ ဖြစ်သေးတယ်လို့  ဟောကြားတာ နာဖူးပါတယ်။ တာမင်နယ် တွေက လှမ်းလျှောက်မယ်ဆို အဝေးကြီးပါပဲ အချိန်မလောက်လို့  ပြေးလွှားရမယ် ဆို စိတ်မော လူမောနဲ့ တော်တော် ပင်ပန်းပါတယ်။
တခါက ဆရာသမား တဦး ရန်ကုန်မှာ လေယာဉ်နောက်ကျတော့ ဒွန်မောင်းလည်း ရောက်တာ နောက်ကျတာပေါ့။ သူပြောင်းစီးမယ့် လေယာဉ်က တိုင်စီဝေးလို့  ခေါ်တဲ့ ပြေးလမ်းပေါ်တက်မယ့် တန်းစီတဲ့ လမ်းပေါ်တောင် ရောက်နေပါပြီ ဒါပေမယ့် သူ့ စီးမယ့် လေကြောင်းလိုင်း ကောင်တာ တခုမှာ နောက်ကျလို့ ပြေးနေပါတယ် စောင့်ခိုင်းပေးပါ ပြောထားတော့ လေယာဉ်ကစောင့်ပေး သူကပြေး နဲ့ တော်တော် ဟိုက်သွားတယ် ပြောပါတယ်။ သူတို့  ကို ကားတစီးနဲ့ သပ်သပ် လိုက်ပို့ ပြီး ကုန်တင်တဲ့ ကရိန်းလေးနဲ့ တင်ပေးတယ် လို့  ကြားဖူးပါတယ်။ ဒွန်မောင်းမှာ လေယာဉ်ပြောင်းစီးရတာ စာရေးသူတို့ လို မလည်မ၀ယ်တွေဖို့ တော့ စွန့် စားခန်းပါပဲ။
ဒွန်မောင်းကို အကြိမ်ကြိမ် ရောက်ဖူးတာတောင်မှ တခါတလေ လေယာဉ်က ကွင်းထဲမှာ ရပ်လို့  ကားကြီးနဲ့ လေဆိပ်အဆောက်အဦ ထဲ ၀င်ရတဲ့အခါ မျက်စိလည် လမ်းမှားဖူးပါတယ်။ တခါကဆို ဘယ်နဲ့ ညာနဲ့
မှားပြီး လျှောက်မိတာ အချိန်ကုန် လူမော စိတ်မောဖြစ်ဖူးပါတယ်။
တကယ်တော့ ဒွန်မောင်းဟာ ပြည်ပထွက်တဲ့ မြန်မာပြည်သားတိုင်းမစိမ်းတဲ့ နေရာတခုဆိုရင် မှားမယ်မထင်ပါဘူး တကြိမ်မဟုတ်တကြိမ် ရောက်ဖူးကြမှာပါ။ စာရေးသူဆိုရင် ဒွန်မောင်း မှာ ည လည်းပဲ
အိပ်ဖူးပါတယ်။ တရက်နီးနီးလောက်လည်း နေဖူးပါတယ်။ ပထမဆုံး နိုင်ငံခြားခရီး သွားတုန်းက အတူသွားတဲ့ ခရီးဖေါ်ကို မေးမိတယ်။ ဘန်ကောက်လေဆိပ်ကြီး သိပ်ခမ်းနားတယ်ပြောတယ် ဟုတ်သလားပေါ့။
သူက ပြောတယ် ဟိုရောက်ရင် သိလိမ့်မယ်တဲ့ သူ့ တုန်းကလည်း မင်းဟိုရောက်လို့  မျက်မြင်တွေ့ တဲ့ ခံစားမှုအတိုင်းပါတဲ့။ ဒါနဲ့ပဲ ရင်တခုန်ခုန် နဲ့ ဒွန်မောင်း ဆိုတာကြီးကို ရောက်ဖူးခဲ့တယ်။ ဟုတ်ပါတယ်
ကိုယ်ထွက်လာတဲ့ လေဆိပ်နဲ့ ရောက်နေတဲ့ လေဆိပ် ပထမ အခေါက်လို လူတိုင်း အဲ့လို ပဲခံစားရမယ်လို့ ထင်ပါတယ်။ လူတွေမှ အများကြီး ကွင်းကြီးကလည်း အကြီးကြီး လေယာဉ်တွေ ဆိုတာ တန်းကိုစီလို့ ။ လူဝင်မှု ကြီးကြပ်ရေး အင်မီဂရေးရှင်း ကောင်တာတွေဆိုတာ အများကြီးပဲ။ ရင်သပ်ရှုမောပေါ့။
ဒွန်မောင်းမှာ လေယာဉ်ပြောင်းစီးဖို့  စောင့်ရတာ အကြာကြီးပါပဲ။ ဆိုတော့ ဒွန်မောင်းထဲမှာပဲ အချိန်တော်တော်ကြာ ဖြုန်းမိပါတယ်။ ချောင်ကြိုချောင်ကြားမကျန် အထပ်အစုံလည်း ရောက်ဖူးတယ်။ ဟိုးအရင်ကဆို ဒွန်မောင်းထဲမှာပဲ သောင်တင်နေတဲ့ ခရီးသည်တွေတောင် ရှိသတဲ့။ တယောက်တည်း အထုပ်လေး ပိုက်လို့  တညလုံး နှိုးလိုက် ငိုက်လိုက နေဖူးတဲ့ အခေါက်တောင်ရှိပါတယ်။ ရန်ကုန်က ထွက်တော့ မနက် ၉ နာရီ။ ဒွန်မောင်းရောက်တော့ မနက် ၁၁ နာရီ နောက်လေယာဉ်က နောက်တနေ့  ဝေလီဝေလင်း မနက် ၅ နာရီ လိုမျိုးတွေ ပေါ့။
တကယ်တော့ ဒွန်မောင်း ဟာ စာရေးသူ ဘ၀မှတ်တိုင်တွေ ထဲမှာ တစ်ခုအဖြစ်ပါဝင်နေပါတယ်။ ပထမဆုံး သွားဖြစ်ခဲ့တဲ့ ခရီးမှာ ပထမဆုံး ရောက်ဖူးတဲ့ တိုင်းတပါးက လေဆိပ်တခုဆိုလည်း မမှားပါဘူး။ ဆရာတယောက် သင်တန်းပို့ ချတုန်းက နိုင်ငံတနိုင်ငံ ဘယ်လောက်ပိုက်ဆံ ရှိသလဲ ဆိုတာကို သူ့ နိုင်ငံက အိမ်သာတွေလည်း တင် သတ်မှတ်လို့ ရတယ်လို့ ပြောဖူးပါတယ်။ နိုင်ငံထဲ မရောက်တောင် တို့ တွေ ထရန်ဆစ် လုပ်တဲ့အခါ လေဆိပ်တွေကို ရောက်ကြတယ် လေဆိပ်တွေက အိမ်သာတွေထဲ ၀င်လိုက်တာနဲ့ တင် ဒီနိုင်ငံ ရဲ့ အဆင့်အတန်းကို သတ်မှတ်လို့ ရတယ်။ ဥပမာ အမေရိကား ဂျပန် လေဆိပ်တွေမှာ ရေပူရေအေးရတယ်။ တို့  ထိုင်းနိုင်ငံရောက်တော့ ထိုင်းလေဆိပ်မှာ ရေအေးတဖက်ပဲ ရတော့တယ် ရေပူမရတော့ဘူး။ ဟော ရန်ကုန်လေဆိပ်လည်း ရောက်ရော အိမ်သာမှာ ရေမလာ ဘူး ဆိုတာလေး ပြောဖူးပါတယ်။ ဟုတ်မဟုတ်ကတော့ အမေရိကား ဂျပန်တွေ မရောက်ဖူးတော့ မသိဘူး။ ဆရာနှယ့် ပိုရန်ကော လို့  တွေးမိဖူးပါတယ်။ ဒါပေမယ့် ဒါလေးက စိတ်ထဲ စွဲနေပါသေးတယ်။
ရန်ကုန်မှာ လေဆိပ်အတွင်းဖက် ပထမဆုံး ရောက်တုန်းက အိမ်သာ ၀င်ပါသေးတယ်။ ရေလာတော့ ငါ့ဆရာလောက် မဆိုးသေးဘူး ဆိုတာ တွေးလိုက်သေးတယ်။ ဒွန်မောင်းရောက်တော့ အိမ်သာ လိုက်ရှာပြီး ၀င်တော့ ကွာတော့ ကွာတယ် လို့ ပဲ ပြောရမှာပါပဲ။ အချို့ လေဆိပ်ကြီး တွေနားမှာ ရေကန်တွေ ဘာတွေ တွေ့ ရတယ် ဒွန်မောင်းမှာတော့ မရှိပါဘူးလို့ ထင်တာပါပဲ။ နောက်တခု က ထိုင်းရဲ့ နိုင်ငံရဲ့ နာမည်ကျော် ခြေထောက်နှိပ်တဲ့ နေရာလေးတွေ ရှိတယ်။ တခါမှတော့ မနှိပ်ဘူးပါဘူး။ ဒွန်မောင်းကို လေယာဉ်မဆင်းခင် လေပေါ်ဝဲနေတုန်း မြင်ကွင်း။ လေယာဉ်အတက် တက်ခါစ မှာဝဲနေတုန်း မြင်ကွင်းတွေဟာ မဆန်း ပေမယ့် စိတ်ထဲ စွဲနေတုန်းပါပဲ။
ခုဒွန်မောင်းကို ထိုင်းနိုင်ငံတွင်း ခရီးစဉ်များသာ သုံးတော့တဲ့အတွက် လေယာဉ်ပြောင်းစီးတုန်းကလို ခဏခဏ မရောက်ဖြစ်တော့ပါဘူး။ ၇ ကြိမ်လောက် ဖြတ်သန်းဖူး ကျင်လည်ဖူးတဲ့ ဒွန်မောင်း။ ဟိုဖက် တာမင်နယ် ဒီဖက်တာမင်နယ် မှားမိဖူးတဲ့ ဒွန်မောင်း။ ရင်ခုန်စွာ ရောက်ခဲ့ဖူးတဲ့ ဒွန်မောင်း။ လမ်းပျောက်သူ ကို ကူညီပေးဖူးတဲ့ ဒွန်မောင်း။ အမိမြေ ကို ပထမဆုံး ပြန်တုန်းက ရောက်ချင်ဇော နဲ့ စိတ်တိုနေခဲ့ဖူးတဲ့ ဒွန်မောင်း။ ခုတော့လည်း ဆုံဖြစ်ဖို့  မလွယ်တော့တဲ့ ဒွန်မောင်း။ လေဆိပ်ဟောင်းလို့  ပြောင်းလည်း ခေါ်ဝေါ်ခြင်း ခံနေရတဲ့ ဒွန်မောင်း။ ကျနော့ရဲ့  လွမ်းနေဦးမယ့် ဒွန်မောင်း။
ညီမူရာ
အထက်ပါ ခရီးသွားဆောင်းပါး ဆန်ဆန် ပို့ စ်ကို စာရေးသူ၏ ကိုယ်ပိုင် ထင်မြင်ချက်၊ ခံစားချက်၊ဖတ်ရှု မှတ်သားမိသော အချက်အလက်များဖြင့် ရေးဖွဲ့ပါသည်။
အချက်အလက်များ ကို ဒီနေရာတွေက ယူပါတယ်။
ဝီကီ
တရားဝင်ဆိုဒ်
အခြား -
http://www.into-asia.com/bangkok/airport/
http://www.nationmultimedia.com/specials/suvarnabhumi/ff9.html
| Share |
Saturday, August 2, 2008
ဒီကြော်ငြာလေးကို ဒီတပါတ် ၂၀၀၈ ခု ၃၀ ဇူလိုင်လ ထုတ် ၀ိကလီအီလဲဗင်း ဂျာနယ်မှာတွေ့ လို့  ကူးယူထားလိုက်ပါတယ် ။ စာရေးသူတို့  နိုင်ငံက လက်တလော ဗုဒ်ဓဂါယာ ဘုရားဖူး ခရီးသွားစားရိတ် လေးပေါ့။ ဗုဒ်ဓဘာသာဝင်တိုင်း မိမိ တို့ ကိုယ်တိုင်ေ၇ာ မိမိတို့  မိဖ များကို ပါ ဖူးစေချင် သွားစေချင်ကြမယ့် ဘုရားဖူးခရီးလေး ဖြစ်တာမို့  နောင် ပိုက်ဆံရှိလို့ ခရီးသွားတဲ့အခါ သြော် တချိန်က ဒီခရီး ဒီလောက်ကြပါလား လို့ မှတ်တမ်းတင်ထားနိုင်အောင်လို့ ပါ။ နောက် အခုအချိန် သွားချင်သူတွေလည်း သတင်းအချက်အလက် ရတာပေါ့ဗျာ
ငြိမ်းချမ်းကြပါစေ
ညီမူရာ
| Share |