ဒိန်ချဉ် နဲ့ အမဲနှပ် ဆီပြန်

ကိုအန်ဒီရဲ့ ၀ီရှီမီ ကနေ အမဲသားကြော်နည်း ကို ဖတ်ကြတော့ သက်ထားက ပြောတယ်၊ ယောက်ျား ဒီမှာ အမဲသားကြော်နည်းတွေ စားချင်လာပြီ ချက်ကြရအောင် တဲ့။

ဒါနဲ့ လင်မယား ၂ ယောက် ၀င်းသူဇာ ပြေးပြီး အမဲသား ကီလိုဝက် ၂ ထုပ်(၁ ကီလို) ၀ယ်ကြတယ်။ ပြန်လာပြီး အမဲသားတွေ အအေးခံ ထားလိုက်တယ်။ အဲဒီတုန်းမှာ ကြက်သွန် ၃ ဥ လောက်နွာပြီး ခပ်ကြီးကြီးလေး စိပ်ထားတယ်။ ကြက်သွန်ဖြူ ကိုလည်း ၆ မွှာ လောက် နွာပြီး ဓားနဲ့ ဖိထားလိုက်တယ်။

အမဲသားတွေ အသင့်ဖြစ်တော့ အတူနေညီငယ် တယောက် အကြံပေးတဲ့ အတိုင်း ဒိန်ချဉ်ကို သတိရသွားတယ်။ စာရေးသူတို့  ဇနီးမောင်နှံ မှာ ချစ်သူက အမဲသားကြိုက်တယ် ဆိုတော့ မကြာခဏ ချက်ဖြစ်တယ်လေ။ အမဲသားချက်တဲ့ အခါတိုင်း အဲဒီ ညီငယ်က အကို ဒိန်ချဉ်ထဲ့ချက်တာ ပိုကောင်းတယ် ချက်ကြည့်ပါလားလို့  ပြောလေ့ ရှိတယ်။

ချက်တိုင်းလည်း ဒိန်ချဉ်မရှိတာနဲ့ မထည့်ဖြစ်ဘူး။ ဒီတခေါက် ဒိန်ချဉ် ၀ယ်ထားမိတော့ ဒိန်ချဉ် လက်ဖက်ရည်ဖျော် ဇွန်းနဲ့ သုံးဇွန်း ထည့်နယ်ဖြစ်တယ်။ ဆား သင့်ရုံ ထည့်ပြီး ကုလားလေး မဆလာ ပါထည့်နယ်ထားပြီး နာရီဝက် မရှိတရှိလောက် နှပ်ထားလိုက်တယ်။

အားလုံး အဆင့်သင့် ဖြစ်ပြီ ဆိုတာနဲ့ ရန်ကုန်က သယ်လာတဲ့ ပရက်ရှာကွတ်ကာ ထဲကို ဆီထည့် ၊ ဆီပူတော့ အရောင်တင် ငရုတ်သီးမှုန့်  ထည့် မွှေးလာပြီ ဆိုတော့ မှ ကြက်သွန်ဖြူ၊နီ ထည့် ခဏလေးကြာတာနဲ့ အမဲသားတွေ ထည့်ပြီး မွှေတာပေါ့။ ခရမ်းချဉ်သီး ၂ လုံးလောက် အနှစ်အရသာ ကောင်းပြီး အရောင်လှဖို့  စိပ် ထည့်သေးတယ်။ အသားတွေ အရောင်နဲနဲ ပြောင်းလာတဲ့ အထိ လုံးပြီးမှ ရေမြုပ်ရုံထည့် ပြီး ပရက်ရှာကွတ်ကာ နဲ့ ချက်လိုက်ရုံပါပဲ။

အဖုံးပိတ်ပြီး နာရီဝက်လောက် ရှူးရှူး နဲ့ အသံတွေ မြည်တာ သည်းခံပြီးရင် နူးနေတဲ့ အမဲသားဟင်းရနေပါပြီ။ ပရက်ရှာကွတ်ကာ မရှိခင်က တနာရီမရှိတရှိလောက် ချက်ရတယ်။ ခုတော့ အချိန်ကုန် ပိုသက်သာပြီး ပိုနူးတာပေါ့။

မီးဖိုကို မီးပိတ်ပြီး လေတွေထုတ်၊ အဖုံးဖွင့်ပြီးတာနဲ့ ငရုတ်သီးစိမ်း စားနိုင်သလောက် လှီးထည့်။ မီးအေးအေး နဲ့ ရေခန်းအောင် နဲနဲ ထပ်ဖွင့်ထားလိုက်တယ်။ ဆီပြန်စပြုနေပြီဆို မဆလာအုပ်ပြီး အဖုံးလေး အသာပိတ် မီးလည်း ပိတ်လိုက်ရုံပါပဲ။

မွှေးကြိုင် နူးအိနေတဲ့ အမဲနှပ်ဆီပြန်ဟင်း တခွက် မြိန်ယှက်စွာ စားသုံးရုံပါပဲ။ ဒီတခေါက် ဒိန်ချဉ်ရဲ့ အစွမ်းကို တွေ့ တာပါပဲ။ အမဲနှပ် က ခါတိုင်းထက် နူးညံ့ပြီး ပိုအိတယ်။ ပျော့အိနေတာမျိုးမဟုတ်ဘဲ အမဲသားရဲ့ ဂုဏ်ပုဒ် ဖြစ်တဲ့ အမျှင်အမျှင် လေးတွေကို သွားနဲ့ ဆွဲတာမှာ ပျော့ပျောင်း နူးညံ့တဲ့ ဖီလင်ရတာပါပဲ။

ဒိန်ချဉ်အစွမ်းနဲ့ ပိုကောင်းနေတဲ့ အမဲသားနှပ် ဟင်းကို စားလိုက်ကြတာ ဓါတ်ပုံရိုက်ဖို့ မေ့သွားတယ်ဗျာ။ ဒိန်ချဉ်ကြောင့် နဲနဲပိုဆိမ့်သလို ခံစားရတဲ့ အမဲနှပ်ဟင်းဟာ မဆလာနဲ့ ငရုတ်သီးစိမ်းကြောင့် မွှေးကြိုင် သင်းပျံ့ပြီး စပ်တပ်တပ်လေးနဲ့ ထမင်းကို ပိုစားစေ ပါတော့တယ်။


ညီမူရာ

နိုကီယာ ၆၂၈၈ ကို ဆော့ကစားခြင်း (၂)

ဒါနဲ့ ဘယ်လို လုပ်ရင် ပြန်ရမလဲ ဆိုပြီး အင်တာနက်တွေပေါ် လိုက်ရှာရင်းနဲ့ အချိန် တပါတ်လောက် ကုန်သွားပါ တော့တယ်။ ပျောက်သောသူ တောင်မှ ရှာရင်တွေ့ နိုင်သေးတာပဲ ဆိုပြီး ဇွဲကြီးကြီးနဲ့ ရှာတာ နောက်ဆုံး တွေ့  သွားပါတယ်။ အလုပ်နဲ့ ပတ်သက်တဲ့ ကိစ္စ တောင်မှ အဲ့သလို ရှာချင်မှ ရှာမိမယ်၊ အခုဟာက မရရင် မဖြစ်ဘူးဆိုတော့ ရှာရတာပေါ့။ ပထမ သုံးလေးရက် က ဘယ်လိုမှ အစရှာမရဘူး။

အဲ့ဒီကျမှ ကိုယ်သုံးနေတဲ့ ဖုန်းအကြောင်း တော်တော် စုံစုံလင်လင် သိသွားပါတယ်။ နိုကီယာက ကနဦးမှာ DCT-3 နဲ့ DCT-4 ဆိုတဲ့ စနစ်တွေနဲ့ ဖုန်းကို လော့ခ် လုပ်ထားပါတယ်။ နောက်ပိုင်းမှာ လူတွေက အန်လော့ခ် လုပ်လာကြတော့ Base Band 5 (BB5) ဆိုတဲ့ စနစ်အသစ်ကို မိတ်ဆက်ပြီး နောက်ပိုင်း နိုကီယာတွေမှာ သုံးပါတယ်။ စာရေးသူရဲ့ ၆၂၈၈ ကလည်း BB5 စနစ်သုံး ဖုန်းပါ။ BB5 ဆိုတာ ဘာလဲ သိချင်သူများ ဒီနေရာ နဲ့ ဒီနေရာ တွေမှာ လေ့လာနိုင်ပါတယ်။ နိုကီယာ ၆၂၈၈ မော်ဒယ် ဟာ Symbian စနစ်သုံး Series 40 3rd Edition (initial release) ဖုန်းတလုံး ဖြစ်ပါတယ်။

နောက်ဆုံး ဂွတ်ဂယ် ကျေးဇူးနဲ့ ဆိုဒ်တခု သွားတွေ့တယ် ဘလူး-နိုကီယာ တဲ့။ အဲ့ဒီ ဆိုဒ် မှာ နိုကီယာ ဖုန်းတွေ အကုန်လုံး နီးပါရဲ့  Firmware (Flash Files) တွေကို စုဆောင်းပေးထားပါတယ်။ သူ့ စနစ်နဲ့ သူ စနစ်တကျ ခွဲပေးထားတာပေါ့။ ဖုန်းကို ပြင်တဲ့ သူတွေတော့ အလွန်သုံးဝင်မယ့် ဆိုဒ် ဖြစ်ပါတယ်။ လေ့လာလိုသူများ Blue-Nokia ကို ဒီနေရာ ကနေ သွားနိုင်ပါတယ်၊ ၆၂၈၈ ရဲ့ ဖန်းဝဲလ် ကို ရှာလိုက်တော့ နိုကီယာ က ထုတ်ထားတဲ့ ၆.၁ ဗားရှင်းအပြင်။ ပြင်ပက ဆော့ဝဲလ် သမားတွေ ရေးထားတဲ့ ၆.၄၃ ဗားရှင်းအထိ ရှိနေတာ တွေ့ လိုက်ရပါတယ်။ ဒါနဲ့ပဲ သိတဲ့အတိုင်း နောက်ဆုံး အငြိမ်ဆုံးလို့  သေချာတဲ့ ၆.၄၃ ကိုပဲ ဒေါင်းလုပ် ဆွဲချလိုက်ပါတယ်။

ဖန်းဝဲလ် ၆.၄၃ ကို ဆွဲချပြီး အင်စတော လုပ်ကြည့်တော့ ဖိုင်တွေကို သာ ကွန်ပျူတာထဲ ကော်ပီကူး ထည့်ပေးသွားတယ် ဘာမှ မလုပ်ပေးသွားပါဘူး။ စာရေးသူ အဖြစ်က ဒီဗီဒီပြားရပြီး အောက်စက်မရှိလို့ ရုပ်ရှင် မကြည့်ရတာနဲ့ တူနေပါတယ်။ ဒါနဲ့ ကြားခံ ဆော့ဝဲလ် တခုခု လိုဦးမှာပဲ ဆိုပြီး ဂွတ်ဂယ်ကြီး အားကိုး ရပြန်ပါတယ်။

နောက်ထပ် သုံး လေးရက်လောက် နေမှ ဖိုရမ်တခုကို တွေ့ပါတယ်။ Gsm Hosting တဲ့၊ အဲ့ဒီ ဖိုရမ်မှာ ဘာသွားတွေ့လည်း ဆိုတော့ နိုကီယာ တွေ ဖုန်းသာ Physical အစိတ်အပိုင်း မပျက်စေနဲ့ ဆော့ဝဲလ် ပိုင်း ဖန်းဝဲလ်ပိုင်း သာ ပြစ်ချက် ဖြစ်ပါစေ ပြန်ကောင်းအောင် လုပ်နိုင်ရမယ် ဆိုတဲ့ တော့ပစ် တခု သွားတွေ့ ပါတယ်။ အဲ့ဒီအထဲက ညွန်းထားတဲ့ အဆင့် ၅ ခု အတိုင်း လိုက်လုပ်လိုက်တာ နောက်ဆုံးမှာ စာရေးသူရဲ့ နိုကီယာ ၆၂၈၈ ဖုန်း ပုံမှန်ပြန်ဖြစ်သွားပါတယ်။ ဖုန်းက လုံးဝ ပါဝါဖွင့် လို့ မရတော့ တောင်မှ ပြန်ကောင်းပါတယ်။ ဘယ် နိုကီယာ BB5 စနစ်သုံး မဆို လုပ်လို့ရပါတယ်။

တပါတ်လောက် စိတ်အညစ်ခံပြီး နောက်ဆုံး ပြန်ရသွားတော့ လင်မယား ၂ ယောက်လုံး ပျော်လိုက်တာလေ၊ ပြောမပြတတ်အောင်ပါပဲ။ သူကလည်း အကောင်းကနေ သုံးမရဖြစ်တဲ့ ဖုန်း ပြန်ကောင်းတော့ ပျော်။ စာရေးသူကလည်း လျှောက်ကလိတာ ပြန်အဆင်ပြေလို့ ပျော် နဲ့ တပါတ်လောက် စိတ်ညစ် စိတ်ပင်ပန်းခဲ့တာတွေ တောင် ပျောက်ကုန်ပါတယ်။ သူက ပြန်ကောင်းအောင် လုပ်နိုင်တဲ့ နည်း ရှာဖွေတွေ့ ရှိသွားတဲ့ စာရေးသူကိုလည်း ပြုံးကြည့်လို့ ။ သူ့ အပြုံးကြောင့် လောကကြီးကို ခဏလောက်တောင် မေ့လို့ သွားပါတယ်။

ညီမူရာ။

အောက်ပါ အင်တာနက် စာမျက်နှာများကြောင့် ဖုန်းကို ပြန်ကောင်းစေတာပါ။
Blue Nokia
GSM Hosting

Download Phoenix_2008_34V1 software
Find and Download BB5 Flashes File

Instruction By Jawad
1-install Phoenix_2008_34-V1.exe and wait for about 5 min to finish installation,the patch soft will appear,now click PATCH,restart PC.
2-Download and install needed flash file from here (note:install only needed flash file,not more than one)
3-Launch phoenix and go File--Manage connections..--select NO CONNECTION and Apply.
4-Go FILE--Open Product--select your model and OK.
4-Go Flashing--Firmware update,new window popup,Press [...] button and select desired product code (If you install more than one flash file,products will be mixed for you now)
5-check DEAD PHONE USB FLASHING and press Refurbish,soft will ask you to powerON the phone do it and enjoy FREE FAST EASY BB5 FLASHING.

Credited to jawad8305 @ forums.gsmhosting.com

နိုကီယာ ၆၂၈၈ ကို ဆော့ကစားခြင်း (၁)

ကိုယ့်မှာ ရှိတဲ့ ဂတ်ဂျက်စ် (Gadget) တွေကို ကလိရတာလောက် အရသာရှိတာ ဘာမှ မရှိပါဘူး။ အထူးသဖြင့် ဂတ်ဂျက်စ်ရဲ့ ဖန်းဝဲလ် (ဒါမှမဟုတ် System Software) ကို အဆင့်မြင့်ရတာ ပိုပြီး အရသာရှိပါတယ်။ ဘာအသစ်အဆန်းများ မြင်ရမလဲ ဘာတွေ ပိုကောင်းအောင် လုပ်ပေးထားမလဲ ဆိုတာလေး က ပိုလို့  ရင်ခုန်စရာ ကောင်းပါတယ်။ နောက်တမျိုးကလည်း အဲ့ဒီလို ဖန်းဝဲလ် ကို အဆင့်မြင့်နေတုန်း ဘာအဆင်မပြေမှုများ ကြုံပြီး ကိုယ့်ပစ္စည်း သုံးမရဖြစ်မလဲ ဆိုတဲ့ စိုးရိမ် ပူပန်မှု Risk လေးကလည်း အရသာ တမျိုးပါပဲ။


ဒါနဲ့ပဲ ဒုတိယမြောက် အဖြစ် နိုကီယာ လက်ကိုင်ဖုန်းကို ဖန်းဝဲလ် အဆင့်မြင့်ဖြစ်ပါတယ်။ စာရေးသူ ဆီမှာ ဖုံးအပိုရှိတော့ လုပ်ရဲတာပေါ့။ ဖြစ်ချင်တာဖြစ် စမ်းမယ်ဆိုပြီး လုပ်လိုက်ပါတယ်။ နိုကီယာ ၆၂၈၈ မော်ဒယ် ဆလိုက်ဖုန်းပါ။ နိုကီယာ မှာလည်း ဆော့ဝဲလ် အဆင့်မြင့်တဲ့ Nokia Software Updater (NSU) ခေါ်တဲ့ ဆော့ဝဲလ် အက်ပ်ဒိတ် လုပ်တဲ့ စနစ်ရှိတော့ လွယ်ကူမယ် ထင်ပြီး အဲ့ဒါလေး နိုကီယာကပဲ ဆွဲချပြီး အဆင့်မြင့်လိုက်တယ်။

နိုကီယာ က ပေးတဲ့ဆော့ဝဲလ် မို့  အဆင်ပြေမှာပဲဆိုပြီး ရိုးရိုးပဲတွေးဖြစ်တယ်။ ပုံမှန်ပဲ နိုကီယာက ပေးတဲ့ဆော့ဝဲလ် အင်စတော လုပ်ပြီး ဖုန်းကို ကွန်ပျူတာနဲ့ ချိတ်ပြီး ဖွင့်လိုက်တယ်။ ဟော ဆော့ဝဲလ်က ဖုန်း ကို လည်း သိတယ် ဖန်းဝဲလ် အဟောင်းက ၅.၉၆ ဖြစ်ပြီး သူတို့  နိုကီယာကနေ အခု ၆၂၈၈ ဖုန်းအတွက် ဖန်းဝဲလ်က ၆.၁ ဖြစ်နေပြီး အဆင့်မြှင့်မလား ဆိုတော့၊ အိုကေ လုပ်လိုက်တယ်။

ဆော့ဝဲလ်က တခု နှစ်ခုလောက် ထပ်သေချာအောင် အိုကေ တွေ မေးပြီး ဖန်းဝဲလ် အဆင့်မြင့်ခြင်းကို လုပ်ပါတော့တယ်။ ၄၀ ရာခိုင်နှုန်း လောက်လည်း ရောက်ရော ယူအက်စ်ဘီ ပြုတ်လိုက် တပ်လိုက် အသံ တဒင်ဒင်ကို ကွန်ပျူကနေ ကြားရပြီး ဖုန်း နဲ့ ကွန်ပျူတာ ကွန်နက်ရှင် ချိတ်ထားတာ လွတ်တယ် ဆိုတဲ့ အဲရာ အမှားကြီး ပေါ်ပြီး ဖုန်းက လုံးဝ သုံးမရအောင် ဖြစ်သွားပါတော့တယ်။ ဒုတ်ခေါ ဘယ်ကနေ ဘယ်လို ပြန်စစ ကွန်ပျူတာကနေ ဖုန်းကို မသိတော့ပါဘူး။ အင်တာနက်တွေ မှာ အသည်းအသန် လိုက်ရှာတော့မှ နိုကီယာ ဆော့ဝဲလ် အက်ပ်ဒိတ်တာ (NSU) တွေက တခါတလေ အဲ့သလို လိုအပ်ချက်တွေ နဲ့ အဲရာ ဖြစ်တတ်တယ် ဆိုတာဖတ်လိုက်ရတယ်။

နိုကီယာ ဖိုရမ်တွေ FAQ တွေမှာ လိုက်မေး လိုက်ရှာတော့ နောက်ဆုံး ဆားဗစ်စင်တာ သာ ပို့ ပါဆိုတဲ့ အကြောင်းသာ ပြန်ရတယ်။ သွားပြီပေါ့ ဖုန်းက အဲ့ဒါမျိုးဖြစ်တာကို Brick Phone(အုတ်ခဲလို သုံးမရ) ဖြစ်တယ် လို့  သူရို့ ဖိုရမ်တွေမှာ သတ်မှတ်ပါတယ်။ ပါဝါ ကို လုံးဝ ဖွင့်လို့ မရတော့ ရင် Dead Phone ဖြစ်သွားတယ် လို့့လည်း ခေါ်ပါတယ်။ သွားပါပြီ ဖုန်း တလုံး။ ဆားဗစ်စင်တာ သွားလည်း အနည်းလေးတော့ ၃၀ ၄၀ လောက်ကုန်မှာကိုး။

သူကတော့ ကနဦး တားပါသေးတယ် သုံးလို့ ရနေတဲ့ အကောင်းကြီး ဘာတွေလျှောက် လုပ်မလို့ လည်းတဲ့။ အမျိုးသားတို့  ရဲ့  ဗီဇကို တားမရတဲ့ အဆုံး သက်ထားက ဘေးကနေ ထိုင်ကြည့်နေတာပေါ့။ အခုလို ဖုန်း သုံးမရဖြစ်သွားတော့ သူလည်း မပျော် စာရေးသူလည်း စိတ်မကောင်း။ ဒါနဲ့ ဘယ်လို လုပ်ရင် ပြန်ရမလဲ ဆိုပြီး အင်တာနက် တွေပေါ် လိုက်ရှာရင်းနဲ့ အချိန်တပါတ်လောက် ကုန်သွားပါတော့တယ်။

ဆက်လက်ဖေါ်ပြပါမည်
ညီမူရာ

အမှတ်တရ ဒီဇင်ဘာ

ထိုနေ့ က မုန်တိုင်းသာ မရှိလျှင် အဲ့ဒီ ဒီဇင်ဘာကို မေ့နေမှာ အမှန်ပင်။ အခုတော့ သုံးနှစ်တာ ကြာမြင့်ခဲ့သော်လည်း အမှတ်ရနေဆဲဖြစ်သည်။ ကမ္ဘာ့တောင်ဘက်ခြမ်း နိုင်ငံတို့ ၏ ထုံးစံ အတိုင်း ဆစ်ဒနီ ဒီဇင်ဘာက ပူပြင်းလွန်းနေသည်။ တရံတခါ အပူလွန်ပြီး မုန်တိုင်းတွေ ၀င်လာတတ်သည်။ ထိုနှစ်က မှတ်မှတ်ရရ သားပိုက်ကောင်တို့  ဌာနေကို မုန်တိုင်း အ၀င်ကြမ်းသည်။

၂၀၀၅ ခုနှစ် အခုလို ဒီဇင်ဘာမှာ ရုံးတာဝန်နဲ့ ဆစ်ဒနီမှာ ခေတ္တ ရောက်နေချိန်ပေါ့၊၊ အလုပ်တွေပြီးလို့  ပြန်ရတော့မှာ ဖြစ်လို့ ရုံးက စာရေးမကြီးက တိုင်စီကို တရက် ကြိုတင်ဘွတ်ကင် လုပ်ပေးထားတယ်။ သူတိုင်စီဘွတ်ကင် လုပ်ပေးတိုင်း တိကျတာမို့ စိတ်ချ လက်ချပင်။ ထို့ နေ့က နေ့လည်ခင်းတွင် နေအလွန်သာပြီး ရာသီဥတု ကောင်းနေသဖြင့် မိုးလေ၀သကို မကြည့်လိုက်မိ။ ဒီလိုနဲ့ပဲ တိုင်စီမှာထားသည့် အချိန်ကို ၅ မိနစ် လောက်ကျော်တော့ တိုင်စီကမလာ။ ၁၅ မိနစ်ခန့် လွန်သော် သေချာသွားပြီ ဘာကြောင့် ကားမလာသလဲ အဲ့ဒီအချိန်အထိ တိတိကျကျ မသိသေး။ တိုင်စီကုမ္ပဏီ တွေဆီ ဖုံးလှမ်းဆက်တော့ ဖုံးတွေက မအားကြတော့။

ခေတ္တနေသည့် နေရာမှ ကင်းဖိုဒ့်စမစ် လေဆိပ်သည် ကီလို ၃၀ စွန်းစွန်းဝေးသည်။ တောင် နှင့် မြောက် လားလားမှ မနီး။ တိုင်စီ ဆိုတာက လက်တားပြီး စီးလို့ လွယ်သည့်  နိုင်ငံမဟုတ်၊ တိုင်စီဂိတ်ကို သွားရတော့မည်။ ဒီလို အထုတ် အပိုးတွေ နှင့် တိုင်စီဂိတ် ကိုသွားဖို့ က လွယ်သည့် ကိစ္စတော့မဟုတ်။ အနီးဆုံး တိုင်စီစတန်းက ပုံမှန် လမ်းလျှောက်တောင် ၁၅ မိနစ်ကြာသည်။

အထုတ်တွေ ဆွဲပြီး ခက်ခက်ခဲခဲ သွားနေစဉ်ပင် မိုးက စရွာလာသည်။ တိုင်စီစတန်းကို ရောက်ဖို့  ၂၅ မိနစ်ခန့်ကြာသည်။ ထိုနေရာရောက်တော့ မိုးက နည်းနည်း နည်းနည်းရွာနေပြီ။ တိုင်စီစတန်းမှာ လူတွေက အများကြီး ကားကမရှိ။ ထိုနေရာရောက်မှ သိရသည်က မုန်တိုင်းအထူးသတင်း ကြေညာသွားသည်။ မိုးသီးတွေပင် ရွာနိုင်သည်တဲ့။ ဒါကြောင့် ကားတွေ ပျောက်ကုန်တာကိုး။ ဒါပါနှင့်ဆို ဒုတိယအကြိမ်မြောက် မိုးသီးမုန်တိုင်း သတိပေးခြင်း နှင့်ကြုံရခြင်းပင်။ တခါမှ တော့ မိုးသီးမရွာလိုက်။

မိုးသီးတွေရွာလျှင် ကားအာမခံ တော်တော်များများက အကာအကွယ်မပေးတတ်ကြ။ ဒီလိုနဲ့ လမ်းပေါ်မှာ ကားတွေ တိုင်စီတွေ ပျောက်ကုန်တာမဆန်း။ တိုင်စီစတန်းမှာ ကိုယ့်အလှည့်ရောက်ဖို့ တော်တော် စောင့်ရသည်။ လေယာဉ်ထွက်ဖို့ အချိန်ကလည်း ၁နာရီခွဲသာသာပဲကျန်တော့သည်။ ပုံမှန် ရာသီဥတု သာသာယာယာမှာ တိုင်စီနဲ့သွားတောင် ၄၅ မိနစ်ခန့်ကြာသည့်ခရီး။ ဒီမိုး ဒီလေ နှင့် ၁ နာရီကျော်လောက်တော့ သွားမှာပဲ။ မိုးကလည်း မုန်တိုင်းအရှိန်နှင့် သည်းသည်း မည်းမည်းကို ရွာချလာပြီ။ နေ့လည်က ချစ်ချစ်တောက် ပူသည့်နေ ယုံချင်စရာမရှိ။

ဒီလိုနှင့် မိနစ်၂၀လောက် သည်းခံစောင့်ရပြီးမှ ကိုယ့်အလှည့်ရောက်သည်။ တိုင်စီတစီးလာ တိုင်စီကို လေဆိပ်ပြောလိုက်သည်နှင့် မလိုက်ပါတဲ့။ ဒါနဲ့ နောက်ကလူတွေကို ပေးတက်လိုက်ရသည်။ နောက် တစီး ဒီလိုပဲ မလိုက်ပါတဲ့။ မိုးတွေ သည်းသည်းမည်းမည်း ရွာနေချိန် ကားဆီသွားလိုက် မလိုက်ဘူးပြောလို့  အမိုးအောက် ပြန်လာလိုက်နဲ့ ရွဲစိုကုန်တော့တယ်။ အထုတ်အပိုးတွေ လည်း ရွဲ လူလည်းရွဲပေါ့။ သုံးစီးလောက် အဆင်မပြေတော့ တော်တော် စိတ်ပျက်စပြုနေပြီ။

အဲ့ဒီမှာ တန်းစီနေတဲ့ အနောက်က ကပ်လျှက် ဌာနေ အဖြူတယောက် က မေးလာတယ်။ တိုင်စီကလည်း မလာသေးတော့ ခဏ စကားပြောဖြစ်သွားတာပေါ့။ တိုင်စီဘွတ်ကင်မှာထားတာ မလာလို့  ဒီအထိတောင် လာငှားရတာ နဲ့ လေဆိပ်ဆင်းမှာ ဖြစ်ကြောင်း ပြောတော့။ သူက ပြန်မေးသည် လေယာဉ်အချိန် ဘယ်တော့လည်းတဲ့။ စာရေးသူ အချိန် ပြောပြလိုက်တော့ သူ့ နာရီကို တချက်လှမ်းကြည့်ပြီး၊ ဟား ၁ နာရီ ၁၅ မိနစ်ပဲလိုတော့တယ်၊ အရှေ့ က တိုင်စီတွေ ဘာဖြစ်လို့ မလိုက်တာလည်း လို့ သူက ဆက်မေးပါသေးတယ်။ မသိဘူး လေဆိပ်လို့  ပြောလိုက်တာနဲ့ မလိုက်ကြဘူး ဆိုတော့။ သူတချက်စဉ်းစားရင်း နောက်တစီးလာရင် မင်းရမှဖြစ်မယ် မဟုတ်ရင် လေယာဉ်လွတ်သွားလိမ့်မယ်။ သူလည်း ၀ိုင်းကူပြောပေးမယ် ဆိုပြီး ပြောရှာတယ်။

ဒါနဲ့ နောက်တိုင်စီ တစီးလာတော့ သူကပဲ စာရေးသူကိုယ်စား ကားသမားကို ရှင်းပြတယ်။ ရှေ့ က တိုင်စီတွေ ဒီလိုမိုးသည်းသည်း နဲ့ လေဆိပ်မလိုက်ချင်လို့  လေယာဉ်လွတ်တော့မယ့် အကြောင်း နဲ့ အချိန်ကလည်း နီးနေလို့  အဆင်ပြေပါက ကူညီပေးပါ ဆိုတဲ့ အကြောင်းကို စာရေးသူ ကိုယ်စား ပြောပေးပါတယ်။ အဲ့ဒီ တိုင်စီသမား ကလည်း အသက်နည်းနည်းကြီး တဲ့ အဖြူပါ၊ ဒီတခါတော့ အဆင်ပြေသွားပါတယ်။ အဲ့ဒီ ကူညီပေးတဲ့ သူကပဲ ကားပေါ်ကို အထုတ်တွေ ၀ိုင်းတင်ပေးရှာတယ်။ ကျေးဇူးတင်လွန်းလို့  နှုတ်ဆက် ကျေးဇူးစကားဆိုရင်း လက်ဆွဲ နှုတ်ဆက်ကြတော့ သူက လမ်းခရီးမှာ အဆင်ပြေပါစေတဲ့။

တိုင်စီ သမားကြီးကတောင် မေးပါသေးတယ်။ သူငယ်ချင်းလားတဲ့၊ မဟုတ်ဘူး တိုင်စီငှားတာ အခက်အခဲဖြစ်လို့  နောက်ကနေ တန်းစီနေတဲ့ သူတယောက်ပါ၊ သူတတ်နိုင်သလောက် ကူညီပေးတာပါ ဆိုတော့ ဘိုးတော်က ဘာမှ ပြန်မပြောတော့ပါဘူး။ လေယာဉ်အချိန် နီးနေလို့  ဘိုးတော်ကြီး ခမျာ ညနေစောင်း ခပ်မှောင်မှောင် မိုးထဲရေထဲမှာ တတ်နိုင်သလောက် အမြန်ဆုံး မောင်းပေးရှာပါတယ်။ ဒါတောင် ကင်းဖိုဒ့်စမစ် ရောက်အောင် ၅၅ မိနစ်လောက် မောင်းရပါတယ်။ လေဆိပ်မှာ ချက်အင် ၀င်တော့ လေယာဉ်ထွက်ဖို့  ၃၅ မိနစ်ပဲ လိုပါတော့တယ်။ ကံကောင်းတယ် ပြောရမလား အဲ့ဒီနေ့ က မုန်တိုင်း အခြေအနေကြောင့် လေယာဉ်တွေ ၁ နာရီ ခွဲလောက် နောက်ကျ ထွက်လို့ သာပေါ့။

တကယ်တော့ တိုင်စီကူငှားပေးတဲ့ အဲ့ဒီသူ ဘယ်သူလည်း စာရေးသူ မသိပါဘူး။ သူလည်းပဲ စာရေးသူ ဘယ်သူမှန်း မသိပါဘူး။ ဒါပေမယ့် အခက်အခဲ ဖြစ်နေတုန်း တတ်နိုင်သလောက် ကူညီပေးရှာတဲ့ ဟွန်စဘီ ရှိုင်းယား နယ်သား တယောက်ရဲ့ စေတနာ ကို သုံးနှစ်လောက် ကြာသည့်တိုင် အမှတ်ရနေပါသေးတယ်။

ဒီဇင်ဘာမုန်တိုင်း မိုးတွေ လေတွေကြားက ကူညီတတ်သူ တဦးရဲ့  စေတနာကို လေးစား အမှတ်ရ ရင်း နဲ့။

ညီမူရာ

အေစီစီအေ တက်ကြမယ်ဆိုရင် အပိုင်း(၂)

အေစီစီအေ ကျောင်းစလျှောက်ဖို့  အရေးအကြီးဆုံးတခုက ကျောင်းတက်မယ့် သူကို အစစအရာရာ တာဝန်ယူမယ့် (စပွန်ဆာ) အမြဲတမ်းနေထိုင်ခွင့် ရှိသူ ဒါမှမဟုတ် နိုင်ငံသားပါပဲ။ ဒါလည်းပဲ အိုင်စီအေ က တောင်းတာပါ။ မြန်မာတွေကတော့ ထုံးစံအတိုင်း နိုင်ငံသား မိတ်ဆွေ ထက် သူငယ်ချင်း မိတ်ဆွေ အပေါင်းအသင်း ပီအာ တွေကို အကူအညီတောင်းကြတာပါပဲ။

ပီအာ နိုင်ငံသား မိတ်ဆွေတွေ မရှိလို့  ထူးပြီး အားငယ်မသွားပါနဲ့၊ ကျောင်းတွေက အထူးအစီအစဉ် အနေနဲ့ စပွန်ဆာ အော်ဖာ ပေးပါတယ်။ အဲ့ဒီ စပွန်ဆာ အတွက် ကျောင်းတွေက စလုံးငွေ ၅၀၀ တောင်းပါတယ်။ စလုံးငွေ ၅၀၀ (ကျပ်ငွေ ၄သိန်းခွဲ ငါးသိန်း) ဟာ ကိုယ့်အတွက် အရမ်းကြီး အခက်အခဲ မဖြစ်နိုင်ဘူးဆိုရင်၊ မိတ်ဆွေတွေကို အကူအညီ တောင်းမနေပါနဲ့ ကျောင်းကပဲ အဲ့ဒီ စပွန်ဆာကို ယူလိုက်ပါ။

ငွေ လေး၊ငါးသိန်း သက်သာလည်း မနည်းပါဘူးဆိုပြီး အလွန်မရင်းနှီးတဲ့ သူတွေကို ပီအာ စပွန်ဆာ တောင်းပြီးမှ မိတ်ပျက်ရတဲ့ သူတွေ မနည်းပါဘူး။ ကျောင်းအပ်ဖို့  စပွန်ဆာ ဟာ သိပ်ဇယားရှုပ်ပါတယ်။ အဲ့ဒီ စပွန်ဆာ ပေးတဲ့ လူကို ၄ခါ ၊၅ခါလောက် ဒုတ်ခပေးရလို့ ပါပဲ။ တကယ် အပြုံး မပျက် အလုပ်ရှုပ်ခံပြီး ပီအာ စပွန်ဆာ ပေးတယ်ဆိုရင် အဲ့ဒီလူရဲ့ ကူညီမှုကို အထူးအသိအမှတ်ပြုပြီး ကျေးဇူးတင်ပါလို့  ရေးချင်ပါတယ်။ တကယ့်ကို အားနာစရာ ကောင်းပါတယ်။

ဘာဖြစ်လို့ လည်းဆိုတော့ အိုင်စီအေက ထောက်ခံပေးတဲ့ သူရဲ့  စီပီအက်ဖ်တွေ၊ ပီအာ ရာဇ၀င် ကောင်းရဲ့လားတွေ၊ နောက် အခြားလိုအပ်ချက်တွေကို အွန်လိုင်းကနေ အီးမေးလ်ပို့ တောင်းတာပါ။ ဒါကို သူက မအားလို့  ၀င်မကြည့်နိုင်ရင် စတူးဒန့်ပါစ် နောက်ကျပါတယ်။ အချက်အလက် မမှန်ကန်ရင် ပယ်ချနိုင်ပါတယ်။ အဲ့ဒါမျိုး ၂ ကြိမ်ထက်မနည်း လုပ်ရပါတယ်။ နောက်ဆုံး စတူးဒန့်ပါစ့် ကျပါပြီဆိုတဲ့ စာတောင် အဲ့ဒီ ထောက်ခံပေးသူရဲ့  လိပ်စာ ဆီကို စာတိုက်ကနေ ပို့ လိုက်တာပါ။ ကျောင်းသား စလုံးရောက်လို့ အိုင်စီအေ မှာ စတူးဒန့်ပါစ့် သွားထုတ်အခါကျရင် ပီအာ၊နိုင်ငံသားရဲ့ အိုင်စီ မူရင်း ပြရတဲ့အထိပါပဲ။ ကျောင်းကနေ တာဝန်ယူပြီး လျှောက်ပေးရင် အဲ့ဒါတွေ လုံးဝ ဇယားငြိမ်းပါတယ်။ စလုံး ၅၀၀ နဲ့ စိတ်ချမ်းသာရတယ်၊ ကိုယ် အိုင်စီအေ ကို တင်ထားတဲ့ အခြေအနေ မြန်မြန်ဆန်ဆန် သိရတယ်၊ ကျောင်းကပဲ အလုံးစုံ တာဝန်ယူ ဆောင်ရွက်ပေးတော့တာပါပဲ။

အပြည်ပြည်ဆိုင်ရာ ကျောင်းသားတွေ ဆိုရင် မမေ့ရမှာက ကိုယ်တက်မယ့် ဘာသာရပ် သုံးခုလုံး အတွက် သင်တန်းကြေး ရယ်၊ အနီးကပ် အထူး (ပြန်လှန်လေ့ကျင့်မယ့်) သင်တန်းကြေးရယ် တပေါင်းတည်း သွင်းရမယ် ဆိုတာပါပဲ။

နောက်တခု သိဖို့ရာက အေစီစီအေ စာမေးပွဲတွေ စင်ကာပူမှာ ကျင်းပနိုင်ဖို့ ရာအတွက်၊ အေစီစီအေ နဲ့ စင်ကာပူက စာရင်းကိုင် အဖွဲ့အစည်း (အိုင်စီပီအေအက်စ်) နဲ့ သဘောတူညီမှုကြောင့် ဆိုတာပါပဲ။ ဒါကြောင့် အေစီစီအေ မှာ အသင်းဝင် ရသလို စင်ကာပူက အဲ့ဒီ စာရင်းကိုင် အဖွဲ့ မှာပါ အသင်းဝင်ရပါတယ်။ အဲ ဒါနဲ့ပဲ နှစ်စဉ်ကြေးကို လည်း အေစီစီအေ ကို သွင်းရလို အိုင်စီပီအေအက်စ် ကိုလည်း နှစ်စဉ်ကြေးသွင်းရပါတယ်။ နှစ်တိုင်းသွင်းရမှာ ဖြစ်သလို ဘယ်တခုကိုမှ ပျက်ကွက်လို့ မရတာကို သဘောပေါက်ထား ရပါမယ်။

ကက်ပလန်က ရန်ကုန်မှာရှိတဲ့ သင်တန်းအချို့ နဲ့ ချိတ်ဆက်ပြီး ကျောင်းအပ် လက်ခံပါတယ်။ ကက်ပလန် အသိအမှတ်ပြု ကျောင်းအချို့ ပေါ့။ အေးဂျင့်တွေလို လုပ်ပေးတာပါ။ ဒါပေမယ့် ကောင်းတာတခုက အဲ့သလို ကျောင်းတွေက စုပြီး ကျောင်းအပ်ကြတဲ့ အခါ စစချင်း ကနဦးကျောင်းဝင်ကြေးငွေ စလုံး ၄၀၀ ကျော်လောက်ပဲ ပေးထားရတာပါ။ စတူးဒန့်ပါစ့် ကျလို့  ကျောင်းသား စင်ကာပူကို ရောက်လာပြီ ဆိုတော့မှာ ကျန်တဲ့ ငွေပမာဏ အလုံးအရင်းကို ပေးရုံပါပဲ။ ကျောင်းဝင်ကြေးငွေ စလုံး ၄၀၀ ကျော်လောက်ကတော့ ဘာကြောင့်ဖြစ်ဖြစ် ပြန်မအမ်းတဲ့ငွေပါ။

အဲ့သလိုမှ မဟုတ်ဘဲ ကိုယ်တိုင်ကိုယ်ကျ စင်ကာပူနေ တဦးဦးက အပ်ပေးလို့ ရပါတယ်။ အဲ့ဒါဆိုရင် ကျောင်းအပ်လိုက်တာနဲ့ ငွေတလုံးတခဲတည်း (စလုံးငွေ ၃၅၀၀ စွန်းစွန်းလောက်) ပေးရမှာ ဖြစ်ပါတယ်။ ကံအကြောင်းမလှ လို့  စတူးဒန့်ပါ့စ် ရီဂျက်ဖြစ်တယ် ဆိုရင် ကျောင်းကနေ ကျောင်းဝင်ကြေးငွေ ကို နှုတ်ပြီး ပြန်ပေးရမယ့်ငွေ ကို ပြန်ပေးမှာပေါ့။

ဒါကြောင့် ကိုယ်က သေချာမှ ငွေပေးချင်တယ်ဆိုရင် ရန်ကုန်က စင်ကာပူအသိအမှတ်ပြု သင်တန်းတွေနဲ့ ဆက်သွယ်ပြီး လုပ်ပါလို့  တိုက်တွန်းပါတယ်။ နောက်တခုက အဲ့လို သင်တန်းတွေက လုပ်ပေးတဲ့အခါ လူများစုနဲ့ လုပ်ရပြီး သတင်းအချက်အလက် ပိုစုံတာပေါ့။ စင်ကာပူလာတဲ့ အခါ အဲ့လို သင်တန်းတွေက သူငယ်ချင်းတွေ တစုတစည်းထဲ လာကြတဲ့အတွက် မိန်းကလေးတွေ အဖို့  လုံခြုံစိတ်အေးစေတာပါပဲ။

အေစီစီအေ ပထမပိုင်း တက်ဖို့  ကျောင်းအပ်ဖို့ ရာ စုစုပေါင်း စင်ကာပူ ၄၀၀၀ ၀န်းကျင် လောက် ကုန်ကျနိုင်ပါတယ်။ အိုင်စီအေ က စတူးဒန့်ပါစ့် ကျပြီဆိုတဲ့ စာကို ရန်ကုန်ကို စာ နဲ့ ဖြစ်ဖြစ် အီးမေလ်း နဲ့ ဖြစ်ဖြစ် စကန်ဆွဲပြီး ပို့ ပေး လိုက်တာနဲ့ သံရုံးကို ဗီဇာ ၀င်စရာမလိုပါဘူး။ လေယာဉ်လက်မှတ်ကို လည်း တခြမ်းထဲ ၀ယ်လာရုံပါပဲ။ စင်ကာပူ လေဆိပ် ရောက်တာနဲ့ လူဝင်မှုကြီးကြပ်ရေးကို အဲ့ဒီ အိုင်စီအေက စတူးဒန့်ပါစ့် ကျပြီဆိုတဲ့ စာ ထုတ်ပြလိုက်တာနဲ့ အဆင်ပြေပါတယ်။ စတူးဒန့်ပါစ့် ကို သွားထုတ်တဲ့ နေ့ကျမှ ငွေ၂၀ ပိုပေးရုံပါပဲ။ ရန်ကုန်မှာ ဗီဇာဝင်ကြေး ပေးတာနဲ့ တူတူပါပဲ။

ဒါဆိုရင် အေစီစီအေ တက်ကြမယ် ဆိုတဲ့ အကြောင်း ပြည့်စုံလောက်ပြီလို့ ထင်ပါတယ်။ စလုံးရောက်ရင် သုံးစွဲဖို့  ငွေတွေ သယ်လာဖို့တော့ မမေ့နဲ့ဦးပေါ့။ :)

ညီမူရာ

ဒီနေရာတွေမှာ အချက်အလက် တွေ သွားကြည့်နိုင်ပါတယ်။

Kaplan Financial
ICPAS
SAA
FTMS
ICA

MAS (Yangon) U Thura Shein

သတင်းအချက်အလက်များ ရှာဖွေပေးသော စာရေးသူ၏ သက်ထား
သိချင်သည်များကို ဖြေကြားပေးသာ ကက်ပလန်မှ ၀န်ထမ်းများ
အတွေ့ အကြုံအချို့ ကို ပြောပြပေးသော မိတ်ဆွေများ
အားလုံးကို ကျေးဇူးတင်ပါကြောင်း။

အေစီစီအေ တက်ကြမယ်ဆိုရင် အပိုင်း(၁)

စင်ကာပူမှာ အေစီစီအေ ကျောင်းတက်ချင်လို့  အဲ့ဒါ ဘာတွေလိုမလဲ ပြောပြပါလား ဆိုတဲ့ မေးခွန်းကို အမိမြေ ပြန်တိုင်း တယောက်မဟုတ် တယောက်က မေးလေ့ရှိပါတယ်။ အချို့ ကလည်း တက်မယ့်သူ ကိုယ်တိုင် အချို့ ကလည်း မိဘတွေ ဆွေမျိုးတွေ ဖြစ်ကြပါတယ်။

စင်ကာပူမှာ အေစီစီအေ တက်မယ့် အကြောင်းကို အချို့ လည်း သိပြီးသား ဖြစ်ပေမယ့် အဓိက ကတော့ မသိသေးတဲ့ သူတွေကို ရည်ရွယ်ပြီး သိသလောက်၊ နားလည်မိသလောက်၊ လက်လှမ်းမှီသလောက် ရေးတဲ့ သဘောပါ။ အခုရေးမယ့် အကြောင်းအရာတွေ က အပြည့်အစုံမဟုတ်တောင် အတိုင်းအတာတခု အထိ အချက်အလက် ပေးနိုင်မယ်လို့ တော့ ယုံကြည်ပါတယ်။

စင်ကာပူမှာ အေစီစီအေ ပို့ ချနေတဲ့ ကျောင်းတွေ အများကြီး ရှိပါတယ်။ အဲ့ဒီထဲကမှ စာရေးသူ အများဆုံး သိတဲ့ ကျောင်းက ကက်ပလန် (Kaplan Financial) လို့  လူသိများတဲ့ ဆမ်မားဆက် ဘူတာ အနီးက ကျောင်းပဲ ဖြစ်ပါတယ်။ အဲ့ဒီကျောင်းကို မူတည်ပြီးပဲ ရေးမှာမို့ လို့  အခြားမပြည်စုံတာတွေ လည်း ဖြစ်နိုင်ပါတယ်။

အေစီစီအေ အကြောင်း အသေးစိတ် တွေကို သူ့ ရဲ့  အင်တာနက် စာမျက်နှာ တွေမှာဖတ်လို့ လည်း ရနေတော့ အဓိက စင်ကာပူကို ဘယ်လို ကျောင်းလျှောက်မလဲ ဆိုတာကို ပဲ ဇောင်းပေးရေးသွားပါ့မယ်။

ထုံးစံအတိုင်း အေစီစီအေ မှာ ၁၄ ဘာသာရပ်ရှိတာရယ်။ အဲ့ဒီ ၁၄ ဘာသာကို စပြီး ယူကေ က အေစီစီအေ မှာ စတင်မှတ်ပုံတင် တဲ့ ရက်ကနေ ပြီး ၁၀နှစ်အတွင်း အပြီးဖြေသွားရမယ် ဆိုတာတွေကတော့ မသိမဖြစ် သိထားရမှာတွေ ဖြစ်ပါတယ်။ နှစ်စဉ်ကြေး ကလည်း နှစ်တိုင်း သွင်းရမှာ ဖြစ်ပါတယ်။

စင်ကာပူ က အေစီစီအေ ပို့ ချတဲ့ သင်တန်းတွေမှာ အပြည်ပြည်ဆိုင်ရာ ကျောင်းသား နဲ့ စင်ကာပူ ပြည်တွင်း ကျောင်းသားဆိုပြီး ခွဲထားပါသေးတယ်။ အပြည်ပြည်ဆိုင်ရာ ကျောင်းသားဆိုတာ မြန်မာနိုင်ငံ လိုမျိုး ပြည်ပကနေ စင်ကာပူ ကို လာတက်မယ့်  ကျောင်းသားတွေ ဖြစ်ပြီး ၊ စင်ကာပူ ပြည်တွင်း ကျောင်းသားတွေ ဆိုတာမှာ စလုံး နိုင်ငံသားတွေ၊ အမြဲတမ်း နေထိုင်ခွင့် ပီအာ တွေ၊ ဒါမှမဟုတ် စလုံး မှာ အကြောင်း အမျိုးမျိုးကြောင့် နေထိုင်ခွင့် ရှိပြီးသား သူတွေ (မှီခို နေထိုင်သူတွေ ၊ ရေရှည် နေထိုင်သူ တွေ ) ပဲ ဖြစ်ပါတယ်။

အင်တာနေရှင်နယ် ကျောင်းသား တဦး ကျောင်းစအပ်မယ် ဆို မဖြစ်မနေ သုံးဘာသာ အပ်မှ ကျောင်းက စတူးဒန့် ပါ့စ် အတွက် လုပ်ကိုင်ဆောင်ရွက်ပေးမှာ ဖြစ်ပါတယ်။ ပြည်တွင်း ကျောင်းသား တွေ ဆို့ရင်တော့ စိတ်ကြိုက် ၁ ဘာသာကနေ နိုင်သလောက် အပ်နိုင်ပါတယ်။

အေစီစီအေ တက်ချင်သူ တဦးအဖို့ စာရင်းကိုင် နဲ့ အခြား စာရင်းကိုင် သင်တန်း (အယ်လ်စီစီအိုင်) အတွေ့ အကြုံ ရှိစရာမလိုအပ်ပေမယ့် တကယ်တန်း သူတို့ သင်တာကို လိုက်နိုင်ဖို့  လိုအပ်တဲ့ အခြေခံ စာရင်းဗဟုသုတတွေ ရှိဖို့  လိုအပ်ပါတယ်။ များသောအားဖြင့် ရန်ကုန်မှာ အယ်လ်စီစီအိုင် လယ်ဗယ် တူး ၊ သရီးလောက် အခြေခံ ရှိမှ စာလိုက်နိုင်မှာပါ။

ကျောင်းအပ်လက်ခံမယ့်  အခြေခံလိုအပ်ချက်တွေကို ကြီးကြီးကျယ်ကျယ်တွေ ရေးထားပေမယ့်၊ ပုံမှန် အားဖြင့်တော့ ဘွဲ့ လက်မှတ် တခုရှိရင် ကျောင်းအပ်လက်ခံပါတယ်။ စာရင်းကိုင်နဲ့ ပတ်သက်တဲ့ ဘွဲ့ တွေ ဒီပလိုမာတွေ ရှိရင် ခိုင်လုံတဲ့ အထောက်အထားပြပြီး ဘာသာရပ်တွေကို ကျော်တက်လို့ ရပါတယ်။ အသက်က ၂၁ နှစ်အောက် ဖြစ်နေရင်တော့ စီအေတီ ကို အရင်တက်ခိုင်းမှာ ဖြစ်ပါတယ်။ အသက် ၂၁ နှစ်ကျော်မှ အေစီစီအေ ကို တက်ခွင့်လက်ခံမှာ ဖြစ်ပါတယ်။

ပုံမှန်အားဖြင့် စစခြင်း အေစီစီအေ ပထမပိုင်း ကို သာ အပ်ရလေ့ရှိပြီး။ နှစ်စဉ် ဇန်န၀ါရီ နဲ့ ဂျူလိုင်တွေ မှာ တန်းခွဲတွေ ဖွင့်လေ့ရှိပါတယ်။ တရံတခါ လည်း ကြားဖြတ်အနေနဲ့ မတ်လ နဲ့ စက်တင်ဘာလ တွေမှာပါ ကျောင်းသားတွေ လာတက်လေ့ရှိပါတယ်။ အဲ့ဒီ မတ် နဲ့ စက်တင်ဘာ တန်းခွဲတွေ က ဒီဇင်ဘာ နဲ့ ဇွန် လ စာမေးပွဲ မအောင်တဲ့ သူတွေ အတွက် အထူးဖွင့် ပေးတာဖြစ်ပြီး ခုနောက်ပိုင်း ကျောင်းသားသစ်တွေပါ ရောတက်လေ့ရှိပါတယ်။

ဇန်န၀ါရီမှာ စတဲ့ အတန်းတွေက ဇွန်လ မှာ စာမေးပွဲ ဖြေရလေ့ရှိပြီး ၊ ဇူလိုင် တန်းခွဲတွေက ဒီဇင်ဘာမှာ စာမေးပွဲ ဖြေကြရပါတယ်။ အောင်စာရင်းကို တော့ ၂ လကနေ ၂လခွဲ ကြာရင် ထုတ်ပြန်လေ့ရှိပါတယ်။

နှစ်စဉ် ဇန်န၀ါရီ မှာ ဖွင့်မယ့် အတန်းကို တက်မယ့် ကျောင်းသားတွေ အနေနဲ့ အောက်တိုဘာ မှာ စ ပြင်ဆင်ရပြီး ကျောင်းလက်ခံတာက နိုဝင်ဘာ ကနေ ဒီဇင်ဘာ အထိ လက်ခံပါတယ်။ ကျောင်းနောက်ကျရင် လက်ခံလေ့မရှိပေမယ့် အလျှောက်ကောင်းတော့ အထောင်းသက်သာ ဆိုသလို ဇန်န၀ါရီ လလယ်လောက်မှ နောက်ဆုံး ရောက်လာတဲ့ ကျောင်းသားအချို့  တွေ့ ဖူးပါတယ်။

အယ်ဂျူးနစ် က အက်စ်အေအေ (SAA) က သင်တန်းကြေး အနည်းငယ် သက်သာသလို ရှိပေမယ့် ။ ဆမ်းမားဆက် ကက်ပလန် က အချိန်တခု သတ်မှတ်ပေးပြီး သတ်မှတ်ချိန် အတွင်း ကျောင်းအပ်တဲ့ ကျောင်းသားကို ၁၀ ရာခိုင်နှုန်း ကနေ ၂၀ ရာခိုင်နှုန်း အထိ လျှော့ပေးလိုက်တော့ စာရေးသူအမြင် မှာ အက်စ်အေအေ ထက်တောင် သက်သာသွားသလိုပါပဲ။

စပြီး ပြင်ဆင်ထားရမှာက အရေးအကြီးဆုံး နိုင်ငံကူးလက်မှတ်ပါပဲ။ ဖြစ်နိုင်ရင် အများဆုံး သက်တမ်း ဖြစ်တဲ့ ၃ နှစ်နီးနီး ရှိရင် အကောင်းဆုံးပါပဲ။ သက်တမ်း ၆ လအောက်ဆို မရပါဘူး။ စတူးဒန့်ပါ့စ် က နိုင်ငံကူးလက်မှတ် သက်တမ်းအတိုင်း အများဆုံး ၂ နှစ် ကနေ ၃ နှစ် အထိ ပေးမှာ ဖြစ်လို့ ပါပဲ။

နောက်တခု က ရှိရှိသမျှ ပညာရေး ဆိုင်ရာ လက်မှတ်တွေ အောင်လက်မှတ်တွေ အမှတ်စာရင်းတွေကို နိုတြီ ပြန်ထားရမှာ ဖြစ်ပြီး ၁၀ တန်းအောင်လက်မှတ် က အစ ဖြစ်နိုင်ရင် နိုတြီ ပြန်ထားနိုင်ရင် အကောင်းဆုံးပါပဲ။ မွေးစာရင်း ကတော့ အသက်ပြည့်ကြောင်း ပြတဲ့ အခိုင်လုံဆုံး အထောက်အထားမို့  မဖြစ်မနေ တောင်းပါတယ်။

နိုင်ငံတကာ ကျောင်းသားတွေကို ဘဏ်ငွေစာရင်း တောင်းပါတယ်။ အဲ့ဒီ ဘဏ်စာရင်း ကတော့ စင်ကာပူ လူဝင်မှု ကြီးကြပ်ရေး (အိုင်စီအေ) က တောင်းတာပါ။ ကျောင်းသား တယောက် စလုံးမှာ ကျောင်းတက်ဖို့  လုံလောက်တဲ့ ငွေကြေးပမာဏ ဖြစ်တဲ့ စလုံး ငွေ ၂သောင်းနီးနီး ပါပဲ။ ဒါကြောင့်မို့  ထုံးစံအတိုင်း လိုင်းဝင်ပြီး လုပ်ကြပါတယ်။ ပိုလို့တောင် အဆင်ပြေကြပါတယ်။ ဘဏ်ငွေစာရင်း သိန်းနှစ်ရာ လောက်ဆို အိုင်စီအေ က မီးစိမ်းပြပါတယ်။ သိန်းသုံးရာ လောက်ဆို ပိုလို့ တောင် ကောင်းပေမယ့် အချို့  ငွေတစ်သိန်းလောက် ချွေတာချင်သူတို့  အဖို့  သိန်းနှစ်ရာလည်း ဖြစ်ပါတယ် ပေါ့။

ကျောင်းသားရဲ့  ဆွေမျိုးအရင်း တယောက်ယောက်လောက်များ စင်ကာပူမှာ အလုပ်လုပ်နေတာများ ရှိရင် အဲ့ဒီ လူရဲ့ အလုပ်က အလုပ်လုပ်နေကြောင်း ထောက်ခံစာ နဲ့ လခပါ ဖေါ်ပြပေးမယ်ဆိုရင် စတူးဒန့် ပါ့စ် မကျစရာ အကြောင်းကို မရှိတဲ့ အပြင် နှောင့်နှေးမှုလည်း မရှိနိုင်တော့ပါဘူး။

ဆက်လက်ဖေါ်ပြပါဦးမည်။

ညီမူရာ

တပတ်ရစ် အသစ် Refurbished

တကယ်တော့ အခေါ်အဝေါ်သာ စာရေးသူတို့  နဲ့ စိမ်းနေပေမယ့် တကယ်တမ်းတော့ ရင်းနှီးပြီးသား ကိစ္စတွေသာ ဖြစ်ပါတယ်။ ရီဖားဘစ်ရှ် ကို မြန်မာမှုပြုမယ် ဆိုရင် တဖန်ပြန်လည် မွမ်းမံထားသော (သို့ မဟုတ်) တပတ်ရစ် အသစ် လို့  ဆိုနိုင်မယ် ထင်ပါတယ်။

တကယ်ဆို တဖန်ပြန်လည် မွမ်းမံထားသော ဆိုတာလေးက ပိုပြီး ဆီလျှော်မယ် လို့  ထင်ပါတယ်။ ဒါပေမယ့် တပတ်ရစ် အသစ် ဆိုတာလေးက ပိုလို့ ရွတ်လို့  ကောင်းနေပြန်ပါတယ်။ စာရေးသူကလည်း တပတ်ရစ် အသစ် ဆိုတာလေးက ဆန်းနေမလားလို့  ခေါ်ရ ခံတွင်းတွေ့ လို့ နေပါတယ်။

အထူးသဖြင့် တပတ်ရစ် အသစ်ဆိုတဲ့ ဝေါဟာရကို သူရို့  တိုင်းပြည်တွေမှာ တွင်တွင် သုံးလေ့ ရှိပါတယ်။ သူရို့  တွေဆီ မှာ ပစ္စည်းအသစ် ၀ယ်တဲ့အခါ အချို့ က ၇ ရက်အတွင်း အချို့ က ၁၄ ရက်အတွင်း မကြိုက်ရင် ပြန်ပေးနိုင်တဲ့ မူတွေ ရှိပါတယ်။ နောက်ပြီး အာမခံ ပေးတဲ့ ကာလအတွင်း အသစ်တလုံး ပြန်ပေးတာတို့  ပြန်ပြင်ပေးတာတို့ တွေ ရှိပါတယ်။

အဲ့ဒီ မူဝါဒတွေ ကနေပြီး ရယ်၊ တခါ ထုတ်လုပ်နေရင်း အရည်အသွေးစစ်ဆေးဌာနမှ အရည်အသွေး စံနှုန်းမမီ ဘူးလို့ သတ်မှတ်တဲ့ ပစ္စည်းတွေရယ်၊ အခြား ကိစ္စ လေးတွေကြောင့် မူလအတိုင်း ပြန်မဖြစ်နိုင်တဲ့ အရာတွေရယ် ကို ပြုပြင်မွမ်းမံစရာရှိတာ မွမ်းမံ ပြင်ဆင် ဖြုတ်လဲ စရာရှိတာ ဖြုတ်လဲ အစားထိုး ရီဖားဘစ်ရှ် ရယ်လို့  ဈေးကွက် ပြန်တင်ပြီး ရောင်းဝယ် ကြပါတယ်။

သုံးစွဲ သူဆီကနေ မှ ပျက်လို့ ဖြစ်ဖြစ် အခြားစံလွဲလို့ ပဲ ဖြစ်ဖြစ် ပြန်ရောက်လာတဲ့ ပစ္စည်းတွေကို တော့ သီးသန့်  စကားလုံးမသုံးပေမယ့်။ ထုတ်လုပ်နေစဉ်မှာ စံလွဲ စံမမှီ လို့  သုံးစွဲသူဆီ လုံးဝမရောက်သေးတဲ့ ပစ္စည်းတွေကို ကျတော့ Manufacturer Refurbished သို့  Factory Refurbished ရယ်လို့ သီးသန့် သုံးစွဲတာ တွေ့ ရပြန်ပါသေးတယ်။

ထုတ်လုပ်သူ အများစု ကလည်း အဲ့လို့  တပစ်ရစ် အသစ်တွေကို သီးသန့် ရောင်းချပြီး ပုံမှန်အနေနဲ့ အနည်းဆုံး ပေါ်က်ဈေးထက် ၃၀ ရာနှုန်းကနေ အများဆုံး ထက်ဝက်ကျော်လောက်အထိ ဈေးတွေ ချပြီး ရောင်းချပေးတာ တွေ့ နိုင်ပါတယ်။ နာမည်ကျော် ပန်းသီး ကုမ္ပဏီ ဆိုရင် သု့ ရဲ့ မက်ခ်ဘွတ် ခရီးဆောင် ကွန်ပျူတာတွေ အိုင်ပေါ့တွေကို ၃၀ ကနေ ၆၀ ရာနှုန်းလောက်အထိ ပန်းသီး ကုမ္ပဏီ အသိအမှတ်ပြု တပစ်ရစ် အသစ် ဆိုပြီးတောင် ရောင်းချပေးပြီး အာမခံကလည်း အသစ်စက်စက် နည်းတူ တနှစ်တောင် ပေးထားပါတယ်။

ပန်းသီး က တပစ်ရစ် အသစ်တွေကို ပေးတဲ့ ၀န်ဆောင်မှုဟာ တကယ့်ကို ကောင်းပါတယ်။ အသိတယောက် ပြောပြတာဆိုရင် သူ့ မိတ်ဆွေ တဦး တပတ်ရစ် အသစ် ၀ယ်လိုက်တာ လက်ထဲရောက်ပြီး မကြာမီ ချွတ်ယွင်းချက် တခုဖြစ်လို့ ဆားဗစ်စင်တာ ပြန်ပို့ လိုက်တာ ဟိုဖက်က ပြင်လို့ မရလို့ ဘဲလား ဘာဖြစ်လို့ လည်း မသိ အသစ်စက်စက် တလုံး ပြန်လဲပေးလိုက်တယ် ဆိုတာလေးပါ။

စာရေးသူ ရဲ့ ဘ၀မှာ အဲ့ဒီ ရီဖားဘစ်ရှ် ဆိုတာ စပြီး ရင်းနှီးတာက ဂေါ်ဒန် က ဟာဗီးနော်မန်ဆိုင် မှာပါ။ မှတ်မိပါသေးရဲ့  ဘာဖြစ်လို့  ဒီလောက် ဈေးခေါက်ချိုးလောက် သက်သာနေတာလည်း လို့  အရောင်းစာရေးကြီး ကို မေးကြည့်တော့ ဒီမှာ ရေးထားတယ် လေ ရီဖားဘစ်ရ်ှတဲ့ ။ ပထမဆုံး ကြားဖူးတာ ဆိုတော့ နားမလည်ပါဘူး ။ ဘာလဲ ရီဖားဘစ်ရှ် ဆိုတာ ငါနားမလည်ဘူး ရှင်းပြပါဆိုတော့ သူက အရှည်ကြီး ရှင်းပြတာ မှတ်မိပါသေးတယ်။

နောက်ပြီး အဲ့ဒီ အရောင်းစာရေးကြီးကပဲ အကြံတောင် ပေးလိုက်ပါသေးတယ်။ တတ်နိုင်ရင် အသစ်ဝယ်ပါလားတဲ့။ ရီဖားဘစ်ရှ် လောက် အရည်အသွေးမမြင့် တဲ့ ပစ္စည်း ခပ်လတ်လတ် ဆိုလည်း ပိုမကောင်းဘူးလားတဲ့ အသစ်သုံးရတာပေါ့တဲ့ ။ သူ့ အတွေးအမြင်လေးပေါ့။ ဘာပဲဖြစ်ဖြစ် သူ့ ကျေးဇူးကြောင့် တပတ်ရစ် အသစ် ရီဖားဘစ်ရှ် ဆိုတဲ့ စကားလုံးလေးနဲ့ ကျွမ်းဝင်လာပါတော့တယ်။

အခြားထုတ်လုပ်သူ တော်တော်များများကလည်း တပတ်ရစ် အသစ်တွေ ရောင်းပေမယ်လို့  ပန်းသီးလောက် အာမခံ မပေးထားပါဘူး။ ပုံမှန် ဆိုရင် ရောင်းချတဲ့ စတိုးဆိုင်တွေ အနေနဲ့ ဆိုင်ကပေးတဲ့ အာမခံ ရက် ၃၀ ဒါမှမဟုတ် ထုတ်လုပ်သူ ကိုယ်တိုင်က ရောင်းတယ်ဆို ထုတ်လုပ်သူက ပေးတဲ့ ရက် ၉၀ အာမခံပဲ ပေးရိုး ထုံးစံရှိပါတယ်။

ဒါကြောင့် တပတ်ရစ် အသစ်ဝယ်မယ်ဆိုရင် မေ့လို့ မရတာ အဲ့ဒီ ကန့်သတ်ထားတဲ့ အာမခံ မှုပါပဲ။ စာရေးသူလည်း တပစ်ရစ် အသစ် ပစ္စည်း အချို့ ဝယ်သုံးဖူးပါတယ်။ ဘာမှ စိတ်ညစ်စရာ မကြုံတွေ့ လိုက်ရပါဘူး။ ကံကောင်းတယ်ပဲ ပြောရမလားတော့ မသိပါဘူး။

မြန်မာနိုင်ငံမှာလည်း တပတ်ရစ် အသစ်တွေ ကြုံတွေ့ ဖူးပါတယ်။ အထူးသဖြင့် မီးချောင်းချုပ် တွေ ရောင်းတဲ့ ဒိုင်တွေ ပါပဲ။ ၂၉ လမ်း၊ လမ်း ၃၀ တ၀ိုက်က လျှစ်စစ်ပစ္စည်း ဒိုင်ကြီးတွေမှာ အောတို ချုပ်တွေ ပါကင်ကြီးတွေ နဲ့ ရောက်လာတဲ့အခါ ရာခိုင်နှုန်း တော်တော်များများက ပျက်တတ်ပါတယ်။ အဲ့ဒါ ဆိုင်မှာတင် ပြင်တဲ့ သူခေါ်ထားရပြီး ကောင်းအောင်ပြင် ပြီးရောင်းရတာပါပဲ။ မဟုတ်ရင် တအားအရှုံး ပေါ်မှာပေါ့။ ဒါပေမယ့် ဒါကိုတော့ ဘယ်သူမှ ရီဖားဘစ်ရှ် ရယ်လို့ မခေါ်ကြပါဘူး။ အခြားနေရာလေးတွေမှာလည်း သူ့ နည်း နဲ့ သူ ရှိနေကြမှာပါ။

ဘာရယ် မဟုတ် တပတ်ရစ် အသစ် ရီဖားဘစ်ရှ် လို့ ရွတ်ကောင်းကောင်းနဲ့ ရွတ်ရင်း ခေါင်းထဲ ပေါ်လာသမျှ ရေးလိုက်ပါတော့တယ်။ စာဖတ်သူတွေက ရော တပတ်ရစ် အသစ် ရီဖားဘစ်ရှ် နဲ့ ဘယ်လောက်များ ရင်းနှီး ထိတွေ့ ဖူး ပါသလဲဗျာ။

ညီမူရာ